హిందీలో సూపర్‌, విజయేంద్రవర్మ

By Staff

| Published: Friday, January 28, 2005, 23:53 [IST]

నాగార్జున హీరోగా, ముద్దుగుమ్మలు అనూష్క, ఆయేషా టకియా నటించిన సూపర్‌ చిత్రం తెలుగులో ఆడలేదు. అలాగే, ఎంతో ప్రతిష్ఠాత్మకంగా రూపొందించిన బాలకృష్ణ చిత్రం విజయేంద్రవర్మ కూడా రిలీజ్‌ అయిందని తెలుసుకునే లోపే థియేటర్లు ఖాళీ చేసి వెళ్లిపోయింది. అయితే, ప్రస్తుతం ఆ రెండు చిత్రాల హిందీ డబ్బింగ్‌ కార్యక్రమాలు జరుగుతున్నాయి.

సూపర్‌ చిత్రం - రాబరీ గానూ, విజయేంద్రవర్మ చిత్రం - అర్జున్‌ - ది వారియర్‌ అనే నామధేయాలతో హిందీ ప్రేక్షకుల్ని అలరించడానికి ముస్తాబవుతున్నట్టు సమాచారం. అయితే ఇవి విడుదల అవుతాయా లేదా అన్న విషయం అటుంచితే, కనీసం గంటకో సినిమా ప్రసారం చేసే అనేకానేక టీవీ ఛానెల్స్‌కు కొంత సాఫ్ట్‌వేర్‌గా అయినా ఈ చిత్రాలు ఉపయోగపడవచ్చు. ఈ చిత్రాలు డబ్బింగ్‌ చేయడానికి గల ఉద్దేశం ఆ మాత్రం డబ్బులు ఎందుకు వదులుకోవడం అనేదిగానే కనిపిస్తోంది.

మరిన్నికథనాలు