ఆమె బికినీపైనే ఫోకస్, దర్శకురాలు అసంతృప్తి! (ఫోటోలు)

By Bojja Kumar

Published: Wednesday, March 12, 2014, 17:10 [IST]

ముంబై: ఆయుష్మాన్ ఖురానా, సోమన్ కపూర్ హీరో హీరోయిన్లుగా త్వరలో రాబోతున్న చిత్రం 'బేవకూఫియాన్'. నుపుర్ ఆస్తానా దర్శకత్వం వహిస్తున్న ఈచిత్రంలో సోనమ్ కపూర్ హాట్ అండ్ సెక్సీ లుక్‌లో బికినీ ధరించి ప్రేక్షకులకు కనువిందు చేయనుంది. ఇటీవల ఆమె బికినీ ఫోటోలు విడుదలైనప్పటి నుండీ అందరి దృష్టి అటు వైపే!

అయితే అభిమానులు, ప్రేక్షకులు సినిమాపై కాకుండా, సోనమ్ కపూర్ బికినీ సీన్‌పై ఎక్కువ ఫోకస్ పెడుతుండటంపై దర్శకురాలు నుపుర్ అస్తానా అసంతృప్తి వ్యక్తం చేసారు. ఈ విషయమై ఆమె మీడియాతో మాట్లాడుతూ...'జనాలు కేవలం సోనమ్ కపూర్ బికినీ సీన్ల గురించే మాట్లాడుకోవడం నన్ను డిసప్పాయింటింగుకు గురి చేసింది. ఇటీవల విడుదలైన ప్రోమోలో బికినీ సీన్లతో పాటు ఇతర సన్నివేశాలు ఉన్నాయి. ఈ చిత్రం చూసిన తర్వాత ప్రేక్షకులు ఒక మంచి చిత్రం చూసిన అనుభూతి పొందుతారు' అని తెలిపారు.

కేవలం యువతను ఆకట్టుకునేందుకే బికినీ సీన్లు, కిస్సింగ్ సీన్లు పెట్టలేదని...అవన్నీ కథలో భాగమే అని దర్శకురాలు వెల్లడించారు. రెండు సంవత్సరాలు డేటింగ్ చేసిన జంట మధ్య ఇలాంటివి కామన్‌గా జరుగుతుంటాయి. కథలో భాగంగానే ఆ సీన్లు మిలితమై ఉంటాయి. స్నేహితులతో కలిసి రిసార్టుకు వెళ్లినపుడు సోనమ్ బికినీ వేస్తుందని, అది కొన్ని సెకన్లు మాత్రమే ఉంటుందని ఆమె తెలిపారు.