Click it and Unblock the Notifications
గ్రేట్ మూమెంట్: ‘బాహుబలి’ సెట్లో విదేశీ అతిథి(ఫోటో)
హైదరాబాద్: బాహుబలి మూవీ సెట్ను ప్రముఖ ఫ్రెంచ్ దర్శకుడు క్లాడ్ లెలౌచ్ సందర్శించి సడన్ సర్పైజ్ ఇచ్చారు. రెండు స్లార్లు ఆస్కార్ అవార్డు గెలుచుకున్న ఈ దర్శకుడు దాదాపు 50 చిత్రాలకు దర్శకత్వం వహించారు. ఆయన బాహుబలి సెట్ను సందర్శించి సినిమా చిత్రీకరణను పరిశీలించారు. దర్శకుడు రాజమౌళితో పాటు యూనిట్ సభ్యులు ఆయనకు సాదర స్వాగతం పలికారు.
సినిమా వివరాల్లోకి వెళితే...ప్రభాస్, అనుష్క, రాణా, తమన్నా ప్రధాన పాత్రల్లో రాజమౌళి దర్శకత్వంలో తెరకెక్కుతున్న భారీ బడ్జెట్ చిత్రం 'బాహుబలి'. ఆర్కా మీడియా వర్క్స్ పతాకంపై శోభు యార్లగడ్డ, ప్రసాద్ దేవినేని ఈ చిత్రాన్ని నిర్మిస్తున్నారు.
ప్రస్తుతం రామోజీ ఫిల్మ్ సిటీ సమీపంలో భారీ యుద్ధ సన్నివేశాల చిత్రీకరణ జరుగుతోంది. దర్శకుడు రాజమౌళి భారతీయ సినిమా చరిత్రలో ఇప్పటి వరకు ఏ సినిమాలోనూ చేయని విధంగా 'బాహుబలి' యుద్ధ సన్నివేశాలు చిత్రీకరించడానికి ప్లాన్ చేస్తున్నారు. ప్రధాన తారాగణంతో పాటు దాదాపు 2000 మంది జూనియర్ ఆర్టిస్టులతో ఈ యుద్ధ సన్నివేశాలు చిత్రీకరించేందుకు ప్లాన్ చేసారు.
భారీ బడ్జెట్తో రూపొందుతున్న ఈచిత్రం భారతీయ సినీ చరిత్రలోనే మునుపెన్నడూ లేని విధంగా అద్భుతమైన సాంకేతిక పరిజ్ఞానం ఉపయోగించి తెరకెక్కిస్తున్నాడు రాజమౌళి. ఇప్పటికే 'ఈగ' చిత్రంతో రాజమౌళి ఖ్యాతి అంతర్జాతీయంగా పాపులర్ అయింది. ఈ చిత్రం ఆయనకు మరింత పాపులారిటీ తెస్తుందని భావిస్తున్నారు ఇండస్ట్రీ వర్గాలు. ఈ చిత్రం ప్రేక్షకుల ముందుకు 2015లో వచ్చే అవకాశం ఉంది.
Continue with Google