ఫ్రెంచ్ పబ్‌లో రామ్ చరణ్ సాంగ్

'రచ్చ' సినిమా తర్వాత మెగా పవర్ స్టార్ రామ్ చరణ్ తేజ్ వివి వినాయక్ దర్శకత్వంలో ఓ సినిమా చేస్తున్న సంగతి తెలిసిందే. ఈ చిత్రానికి సంబంధించి ప్రీ పొడక్షన్ వర్క్ ఇప్పటికే మొదలైంది. బద్రీనాథ్ సినిమా అనుకున్న స్థాయిలో ఆడక పోవడంతో...రామ్ చరణ్ తో చేసే ఈ చిత్రాన్ని ప్రతిష్టాత్మకంగా తీసుకున్నాడు వివి వినాయక్. ఈ చిత్రం భారీగా విదేశీ లొకేషన్స్ లో చిత్రీకరించనున్నట్లు తెలుస్తోంది. ఇప్పటికే సినిమాటోగ్రాఫర్ చోటాకె.నాయుడు సినిమాకు సరికొత్త లొకేషన్స్ వెతికే పనిలో యూరఫ్ లో సంచరిస్తున్నారు. తాజాగా అందిన సమాచారం ప్రకారం చిత్రానికి సంబంధించిన ఓ పాటను చిత్రీకరించేందుక ఓ ఫ్రెంచి క్లబ్ ను సెలెక్ట్ చేసినట్లు తెలుస్తోంది. ఇదే తరహలో సినిమా కలర్ ఫుల్ గా వచ్చేందకు మరికొన్ని అద్భుతమైన లొకేషన్స్ ను ఎంపిక చేసినట్లు సమాచారం.

ఈ చిత్రంలో రామ్ చరణ్ సరసన కాజల్ నటిస్తోంది. తమన్ సంగీతం అందిస్తున్నారు. ప్రస్తుతం మ్యూజిక్ సిట్టింగ్స్ జరుగుతున్నాయి. ఇందు కోసం వివి వినాయక్, తమన్ ఊటీలో తిష్ట వేసి పాటలు అద్భుతంగా వచ్చేందుకు కరసరత్తు చేస్తున్నారు.