ఫన్నీ ఫోటోలు : సమంతకు పవన్ కళ్యాణ్ ఆశీర్వాదం

‘అత్తారింటికి దారేది' చిత్రానికి త్రివిక్రమ్ శ్రీనివాస్ దర్శకత్వం వహిస్తున్నారు. తొలుత దీన్ని వర్కింగ్ టైటిల్ గా అనుకున్నప్పటికీ చివరకు దాన్నే ఫైనల్ చేసారు. ఈ చిత్రం పూర్తి స్థాయి ఎంటర్టెన్మెంట్ సబ్జెక్టుతో రూపొందిస్తున్నారు. ప్రేక్షకులకు కావాల్సిన అన్ని అంశాలు ఇందులో కనిపించనున్నాయి.

ఈ చిత్రాన్ని ఆగస్టు 7న వరల్డ్ వైడ్‌గా విడుదల చేసేందుకు సన్నాహాలు చేస్తున్నారు. నిర్మాత బి.వి.ఎస్.ఎన్ ప్రసాద్ ఈ విషయాన్ని ఇటీవల వెల్లడించారు. గబ్బర్ సింగ్ లాంటి హిట్ తర్వాత వస్తున్న చిత్రం కావడంతో ఈ సినిమాపై భారీ అంచనాలు నెలకొన్నాయి.

పవన్ కళ్యాన్, త్రివిక్రమ్ కాంబినేషన్లో వస్తున్న బెస్ట్ ఫ్యామిలీ ఎంటర్టెనర్ ఇది. ఈ చిత్రానికి ‘అత్తారింటికి దారేది' టైటిల్ హండ్రెడ్ పర్సెంట్ యాప్ట్ అవుతుందని దాన్నే ఖరారు చేసాం' అన్నారు నిర్మాత. అందుకు తగిన విధంగానే ఈ సినిమాలో భారీ తారాగణం తీసుకున్నారు.

ఈచిత్రంలో పవన్ కళ్యాణ్ సరికొత్త గెటప్ లో కనిపించబోతున్నారు. ఓ కామోడీ సీన్లో ఆయన ‘అత్తాపూర్ బాబా' గెటప్‌లో దర్శనం ఇవ్వనున్నారు. బ్రహ్మానందం, అలీలు కూడా ఈ కామెడీ సీన్లో కనిపిస్తారు. గతంలో గుడుంబా శంకర్ సినిమాలో కూడా పవన్ కళ్యాణ్, అలీ, బ్రహ్మానందం మీద స్వామీజీ గెటప్‌లో ఓ సీన్ చిత్రీకరించిన సంగతి తెలిసిందే.

ఈ చిత్రంలో బాలీవుడ్ నటి బోమన్ ఇరానీ నటిస్తుండటం గమనార్హం. ఆయన నటిస్తున్న తొలిసినిమా ఇదే. మరో వైపు మిర్చి చిత్రంలో ప్రభాస్ తల్లిగా నటించిన నదియా కూడా ఈచిత్రంలో ముఖ్యమైన పాత్ర పోషిస్తున్నారు.

సంగీతం : దేవిశ్రీ ప్రసాద్, ఫోటోగ్రఫీ : ప్రసాద్ మూరెళ్ల, ఫైట్స్ : పీటర్ హెయిన్స్, ఆర్ట్ : రవీందర్, కో ప్రొడ్యూసర్స్ : భోగవల్లి బాపినీడు, రిలయన్స్ ఎంటర్టెన్మెంట్స్, నిర్మాత : బివిఎస్ఎన్ ప్రసాద్, రచన-దర్శకత్వం : త్రివిక్రమ్ శ్రీనివాస్.

'అత్తారింటికి దారేది' చిత్రం సెట్స్ పై సమంత, బ్రహ్మానందం ఇలా స్టిల్ ఇచ్చారు.