చంద్రయాన్ 2: దిశా పటానీ గురించి ఈ ట్వీట్ చూస్తే నవ్వడం ఖాయం

చంద్రయాన్ 2 గురించి దిశా పటానీ ట్వీట్

‘‘చంద్రయాన్ 2 మిషన్లో భాగం అయిన వారిని చూస్తుంటే గర్వంగా ఉంది. ఇస్రోకు ధన్యవాదాలు. ఈ ప్రయోగం విషయంలో ఎంతో ఎఫర్ట్ పెట్టి మీరు అందరికీ స్పూర్తిగా నిలిచారు'' అని దిశా పటానీ తన ట్విట్టర్ పేజీలో వ్యాఖ్యానించారు. చంద్రయాన్ 2 అనే ట్యాగ్‌తో చేసిన ఈ ట్వీట్ వెంటనే సోషల్ మీడియాలో స్ప్రెడ్ అయింది.

దిశా పటానీ పేరుతో ఫన్నీ ట్వీట్

అయితే దిశా పటానీ ట్వీట్ చూసిన ఓ అభిమాని ఆసక్తిగా స్పందించారు. ‘‘విక్రమ్ ల్యాండర్ మీ పేరు లాగే ఎందుకు అలా ప్రవర్తిస్తోందో అర్థం కావడం లేదు'' అంటూ వ్యాఖ్యానించారు. దిశా అంటే విక్రమ్ ల్యాండర్ దిశ... పతా-నహి(తెలియడం లేదు) అనే మీనింగుతో ఈ ఫన్నీ ట్వీట్ చేశారు.

నవ్వులు పూయిస్తున్న ట్వీట్

దిశా పటానీ పేరును విక్రమ్ ల్యాండర్‌తో పోలుస్తూ చేసిన ఈ ట్వీట్ ఇంటర్నెట్లో నవ్వులు పూయిస్తోంది. పలువురు నెటిజన్లు దీన్ని షేర్ చేస్తుండటంతో సోషల్ మీడియాలో ఇది వైరల్ అవుతోంది. ఈ ట్వీట్ ఎఫెక్టుతో ఆమె పేరు మారుమ్రోగిపోతోంది.

దిశా పటానీ

దిశా పటానీ సినిమా కెరీర్ విషయానికొస్తే.. తెలుగు మూవీ ‘లోఫర్' ద్వారా ఆమె తెరంగ్రేటం చేశారు. అయితే ఈ చిత్రం బాక్సాఫీస్ వద్ద బోల్తా పడటంతో మళ్లీ టాలీవుడ్ వైపు చూడలేదు. ఆ తర్వాత హిందీలో ‘ఎంఎస్ ధోని', భాగీ 2, భారత్ చిత్రాల్లో నటించింది. కుంగ్ ఫు యోగా అనే చైనీస్ మూవీలో కూడా ఆమె నటించారు. ప్రస్తుతం ‘మలాంగ్' అనే చిత్రం చేస్తున్నారు.