కాల్చడం ఆపకూడదంటున్న పవన్ నిర్మాత

సినిమా ఇండ్రస్ట్రీలో ప్రతివాడు ఓ కార్గిల్ సైనికుడే, ఎవరైతే కాల్చడం ఆపి రిలాక్స్ అవుతారో...వారు పోతారు, ఆల్వేస్ ఎలర్ట్ గా ఉండి ఫైట్ చేస్తేనే ఇక్కడ మనుగడ ఉంటుంది' అని పేర్కొన్నాడు నిర్మాత బండ్ల గణేష్. సినిమా రంగంలో స్టార్స్‌గా వెలుగొందాలంటే వరుస సినిమాలు తీస్తూ అభిమానులకు ఎప్పుడూ వినోదం పంచుతూనే ఉండాలి. ఏ స్టార్ ఆ పనిలో విఫలమైనా వారికి పరిశ్రమలో నూకలు చెల్లినట్లే అని ఆయన మాటల్లోని అర్థం. నిజమే మరి గణేష్ అన్నదాంట్లోనూ పాయింట్ ఉంది. ఇటీవలే ట్విట్టర్ అకౌంట్ ఓపెన్ చేసిన గణేష్ ఎంట్రీతోనే ఇలా తన మార్కు చాటుకుకున్నాడు.

ప్రస్తుతం గణేష్ బాబు పవన్ కళ్యాణ్ హీరోగా 'గబ్బర్ సింగ్' చిత్రాన్ని నిర్మిస్తున్నారు. ఇంతకు ముందు పవన్ కళ్యాణ్ తీన్ మార్ చిత్రానికి కూడా కూడా గణేష్ బాబే నిర్మాత. గబ్బర్ సింగ్ తర్వాత జూనియర్ ఎన్టీఆర్, శ్రీను వైట్ల కాంబినేషన్లో వస్తున్న చిత్రానికి కూడా ఇతనే నిర్మిస్తున్నాడు. చిన్న చిన్న పాత్రలు, కామెడీ వేషాలు వేస్తూ పరిశ్రమలోకి ఎంట్రీ ఇచ్చిన గణేష్ ఉన్నట్టుండి నిర్మాతగా మారడం అప్పట్లో అందరినీ ఆశ్చర్య పరిచింది. అయితే అనతి కాలంలోనే పెద్ద హీరోలతో సినిమాలు తీస్తూ తనకంటూ ప్రత్యేక గుర్తింపు తెచ్చుకున్నాడు ఈ నిర్మాత.