హోమ్

న్యూస్

పవన్ కళ్యాణ్ తాజా చిత్రం తీన్ మార్ లో దీపిక పడుకోనే ఐటం సాంగ్ ఉండబోతోందంటూ వార్తలు వచ్చిన సంగతి తెలిసిందే. అయితే ఈ విషయమై నిర్మాత గణేష్ బాబు వివరణ ఇస్తూ...అలాంటి ప్లాన్స్ మాకేమీ లేవు..అని ఖండించారు. ఇక ఈ పాట టాపిక్ బయిట రావటానికి కారణం...దీపిక పడుకోనేకీ, దర్సకుడు జయంత్ కీ మధ్య మంచి రిలేషన్స్ ఉండటమేనని తెలుస్తోంది. అలాగే రిలీజ్ కు నోచుకోని జయంత్ చిత్రం లవ్ ఫర్ ఎవర్ లో దీపిక ఐటం సాంగ్ చేసింది.ఇక తీన్ మార్ చిత్రం విషయానికి వస్తే..మూడు పాటలు మినహా టోటల్ టాకీ పార్ట్ పూర్తి చేకుకున్న ఈ చిత్రంలో ఓ పాటకోసం హైదరాబాద్ లో కోటి రూపాయల ఖర్చుతో కాస్టలీ సెట్ వేయిస్తున్నారు. అలాగే మిగిలిన రెండు పాటలను అబ్రాడ్ లో షూటింగ్ పూర్తి చేయాలని దర్శకుడు భావిస్తున్నాడు.ఇక ఈ చిత్రం బాలీవుడ్ హిట్ లవ్ ఆజ్ కల్ కి రీమేక్. త్రివిక్రమ్ రచన చేస్తున్న ఈ చిత్రాన్ని జయంత్ పరాంన్జీ డైరక్ట్ చేస్తున్నారు. పరమేశ్వర ఆర్ట్ పతాకంపై హాస్య నటుడు గణేష్ దీనిని నిర్మిస్తున్నాడు. ఇందులో పవన్ కళ్యాణ్ తెలంగాణ ప్రాంతానికి చెందిన స్టూడెంట్ గా కనిపంచనున్నారు.త్రిష హీరోయిన్ గా చేస్తోంది. మార్చి రెండవవారంలో పాటలను, ఏప్రిల్ మొదటి వారంలో సినిమాను విడుదల చేస్తున్నారు.