గణేష్...మహరాజ్ కీ జై

శరవణన్ దర్శకుడిగా తొలి పరిచయం అవుతూ, నిర్మాత రవికిషోర్ నిర్మానంలో శ్రీ స్రవంతి మూవీస్ సంస్థ నిర్మిస్తున్న చిత్రం 'గణేష్". రామ్ కథానాయకుడు. కాజల్ కథానాయిక. జస్ట్ గణేష్ అనేది ఉపశీర్షిక. ఈ సందర్భంగా నిర్మాత మాట్లాడుతూ ఇటీవల అరకులో కొన్ని సన్నివేశాలను చిత్రీకరించామన్నారు. మిగిలిన పతాక సన్నివేశాలను, పాటలను ఈ షెడ్యూల్లో తెరకెక్కిస్తాం అన్నారు. ఈ చిత్రం షూటింగ్ ప్రస్తుతం హైదరాబాద్ లో జరుగుతోంది. హైదరాబాద్ పరిసరాల్లో వీటిని చిత్రీకరించడం తో సినిమా పూర్తవుతుంది. త్వరలో ఆడియో, వచ్చేనెలలో సినిమాను విడుదల చేస్తాం. రామ్ కి చిన్నారుల్లో మంచి ఆదరణ ఉంది. ఈ సినిమాలోనూ వారిని ఆకట్టుకునే సన్నివేశాలు చాలానే ఉంటాయి. గణేష్...మహరాజ్ కీ జై అంటూ చిన్నారులు జై కొట్టే విధంగా తెరకెక్కించామని చెప్పారు. ఈ సినిమాకు సంగీతాన్ని మిక్కీ జె. మేయర్ అందించారు.