మళ్ళీ మాఫియా కాల్స్....

By Staff

Published: Thursday, March 12, 2026, 2:58 [IST]

బాలీవుడ్ కీ మాఫియా కీ ఉన్న సంభందాలు ఈ నాటివి కావు. అయితే ఈ మధ్య కాస్త ఆ గొడవలు సద్దుమణిగాయి. స్క్రిప్టులలో మాత్రమే మాఫియా కనిపిస్తోంది. అయితే అది నిజం కాదని మాఫియా కన్ను హిందీ పరిశ్రమను వీడలేదని ప్రఖ్యాత దర్శకుడు రాజ్ కుమార్ సంతోషి చెప్తున్నారు. ఆయన మొన్న శనివారం జుహు పోలీస్ స్టేషన్ లో దీని నిమిత్తం కంప్లైంట్ చేసారు. ఆ ఫిర్యాదు లో ఆయనని Ejaz Lakdawala అనే గ్యాంగస్టర్ ఫోన్ చేసి ఐదు కోట్ల రూపాయిలు ఇవ్వకపోతే చంపేస్తామని బెదిరించాడని చెప్పారు.

ఇంతకు ముందు (జూలై 2007) లక్నో లో ఈ తరహా మానసిక దాడి ఆయనపైనా,హిమేష్ రేష్మియా మీద జరిగింది. అప్పుడు గ్యాంగ్ ని పోలీసులు ట్రేస్ చేసి పట్టుకున్నారు. మళ్ళీ ఇప్పుడు వాళ్ళే ఈ పని చేస్తున్నారని ఆయన ఆరోపణ. ఈ విషయమై సంతోషినీ వివరణ అడగగా నేను జూహూ పోలీసులను కలిసి రక్షణ కల్పించమని అడిగానని చెప్పుకొచ్చారు. ఇక పేరు చెప్పటానికి ఇష్ట పడని జూహు పోలీస్ ఆఫీసర్ ఈ విషయాన్ని నిర్ధారిస్తూ ఇద్దరు అనుమానితులు Ajab Prem Ki Ghazab Kahani (ప్రస్తుతం సంతోషి తీస్తున్న సినిమా) సెట్స్ వద్ద తిరుగుతున్నారని వారిని ఎంక్వైరీ చేస్తున్నామంటున్నారు. రణబీర్,కత్రినా కైఫ్ జంటగా చేస్తున్న ఈ సినిమాకి ట్రేడ్ లో మంచి క్రేజ్ ఉంది. ఇక ఫైనల్ గా డిప్యూటి పోలీస్ కమీషన్ (క్రైమ్ బ్రాంచ్ ) Deven Bharti మాట్లాడుతూ సంతోషి సెక్యూరిటీ నా రెస్పాన్స్ బులిటీ అంటున్నారు.

More from Filmibeat