హోమ్

న్యూస్

భరత్ అనే నేను సినిమా ప్రమోషన్ విభిన్న రితీలో ప్రారంభించారు. శ్రీమంతుడు తర్వాత కొరటాల శివ, ప్రిన్స్ మహేష్ బాబు కాంబినేషన్‌లో వస్తున్న ఈ చిత్రంపై భారీ అంచనాలు నెలకొన్నాయి. ఈ చిత్రం ఏప్రిల్ 20న రిలీజ్‌కు సిద్ధమవుతున్నది. ఈ నేపథ్యంలో ప్రమోషన్ కార్యక్రమాలు ఊపందుకొంటున్నాయి. తాజాగా మహేష్‌బాబు చిన్నప్పటి ఫొటోతోపాటు, ప్రిన్స్ కుమారుడు గౌతమ్ కృష్ణ ఫొటోను జత చేసి మహేష్ అభిమానులు సోషల్ మీడియాలో వదిలారు. ఈ ఫోటో ప్రస్తుతం వైరల్‌గా మారింది.

గౌతమ్ కృష్ణ చిన్నప్పటి ప్రిన్స్ మహేష్ మాదిరిగా స్టయిలీష్‌గా నిలిచొని ఉన్న చిత్రం సోషల్ మీడియాలో నెటిజన్లను ఆకట్టుకొంటున్నది. ఇప్పటికే 1 నేనొక్కడినే చిత్రంతో ఎంట్రీ ఇచ్చిన గౌతమ్.. త్వరలోనే టాలీవుడ్‌లో మెరుపులు మెరిపించడం ఖాయమనే మాట సినీ వర్గాల్లో వినిపిస్తున్నది.