రష్మిక ఓ బంగారు బాతు.. 100 కోట్ల హీరోయిన్.. ప్రొడ్యూసర్ కామెంట్‌తో..

యువతరం మెచ్చే చిత్రంగా

నిర్మాత‌లు మామిడాల శ్రీనివాస్, దుగ్గివలస శ్రీనివాస్ మాట్లాడుతూ... యువతరం మెచ్చే అన్ని హంగులు ఉన్న చిత్రమిది . వీకెండ్‌ పార్టీలు యువతకు మంచి చేస్తున్నాయా? చెడు చేస్తున్నాయా? అనే పాయింట్‌ చుట్టూ ఉన్న కథాంశంతో ఈ సినిమా ఉంటుంది. కన్నడలో ఛమ్మక్‌ పేరుతో విడుదలైన ఈ చిత్రం దాదాపు 30 కోట్లు వసూలు చేసింది. మంచి చిత్రాన్ని అందరూ చూడాలనే వాయిదా వేసి మే 3న విడుదల చేస్తున్నాం. డ‌బ్బింగ్ సినిమా అయినా స్ట్రెయిట్ చిత్రంగా దీనిని ప్ర‌మోష‌న్ చేస్తున్నాం`` అని తెలిపారు.

మంచి కంటెంట్ ఉన్న చిత్రంగా

నిర్మాత స‌త్యారెడ్డి మాట్లాడుతూ.. భారీ క్రేజుతో వ‌స్తున్న ఈ చిత్రం పెద్ద విజ‌యం సాధించాలి. చ‌క్క‌ని కంటెంట్ ఉన్న చిత్ర‌మిది. నిర్మాత‌ల‌కు లాభాలు రావాలి`` అన్నారు. రామ స‌త్య‌నారాయ‌ణ మాట్లాడుతూ -``సినిమా తీయ‌డ‌మే కాదు రిలీజ్ చేయ‌డంలో చ‌క్క‌ని ప్ర‌ణాళిక‌లు ఉండాలి. నిర్మాత‌లు పంపిణీ రంగంలో అనుభ‌వ‌జ్ఞులు. అవెంజ‌ర్స్ వ‌ల్ల వాయిదా వేసి స‌రైన టైమ్‌లో రిలీజ్ చేస్తున్నారు`` అని అన్నారు.

నిర్మాతకు రష్మిక బంగారు బాతు

సాయి వెంక‌ట్ మాట్లాడుతూ.. మే 3న రిలీజ‌వుతున్న ఈ చిత్రం పెద్ద విజ‌యం సాధించాలి. ర‌ష్మిక క్రేజుకు త‌గ్గ‌ట్టే విజ‌యం ద‌క్కించుకుంటుంది. ఆల్ ది బెస్ట్`` అన్నారు. స‌మ‌ర్ప‌కుడు దివాక‌ర్‌ మాట్లాడుతూ - ``గీత గోవిందంతో 100 కోట్ల క్ల‌బ్ నాయిక‌గా ర‌ష్మిక నిర్మాత‌ల బంగారు బాతులా మారారు. త‌ను నంబ‌ర్ వ‌న్ స్థాయిలో ఉన్నారు. గీతా ఛ‌లో పెద్ద విజ‌యం సాధిస్తుంది`` అన్నారు.

కన్నడలో పెద్ద హిట్ అయింది

బెక్కం వేణు గోపాల్ మాట్లాడుతూ.. డ‌బ్బింగ్ సినిమాలు ఎన్నో వ‌స్తుంటాయి. అయితే అభిరుచితో తెచ్చే చిత్రాలు విజ‌యం సాధిస్తాయి. క‌న్న‌డ‌లో పెద్ద హిట్ట‌యిన చిత్రాన్ని తెలుగులో రిలీజ్ చేస్తున్నారు`` అన్నారు. సురేష్ కొండేటి మాట్లాడుతూ- ``రెండు బ్లాక్ బ‌స్ట‌ర్ టైటిల్స్ ని పెట్టుకుని వ‌స్తున్న చిత్ర‌మిది. అవెంజ‌ర్స్ లాంటి సునామీ ముందు రిలీజ్ చేయ‌కుండా వాయిదా వేయ‌డం మంచికే. మే 3న‌ ఎక్కువ థియేట‌ర్ల‌లో రిలీజ‌వుతోంది.. విజ‌యం సాధించాలి..`` అన్నారు.

బ్లాక్‌బస్టర్ టైటిల్స్‌తో

శోభా రాణి మాట్లాడుతూ - ``మామిడాల శ్రీ‌నివాస్ చాలా కాలంగా ప‌రిశ్ర‌మ‌లో ఎంతో స‌న్నిహితులు. సినిమా విజ‌యానికి టైటిల్ ముఖ్యం. గీత గోవిందం .. ఛ‌లో లాంటి బ్లాక్‌బ‌స్ట‌ర్ టైటిల్స్‌ని క‌లిపి గీతా ఛ‌లో అనే టైటిల్ పెట్టారు. అంత పెద్ద హిట్ట‌వ్వాలి`` అన్నారు. బాలాజీ నాగ‌లింగం.. స‌హా ప‌లువురు అతిధులు ఈ సినిమా పెద్ద విజ‌యం సాధించాల‌ని ఆకాంక్షించారు.