హోమ్

న్యూస్

విజయ్ దేవరకొండ, రష్మిక మందన్న హీరో హీరోయిన్లుగా పరశురాం దర్శకత్వంలో తెరకెక్కిన 'గీత గోవిందం' బాక్సాఫీసు వద్ద బ్లాక్ బస్టర్ హిట్‌గా నమోదైంది. దీంతో సినిమా విడుదలైన అన్ని చోట్లా థియేటర్లు కిటకిటలాడుతున్నాయి. కొన్ని చోట్ల ముందుగా అడ్వాన్డ్స్ బుకింగ్ చేసుకుంటే తప్ప టిక్కెట్లు దొరకని పరిస్థితి ఉంది.

సినిమాపై మరింత ఆసక్తి పెంచడంలో భాగంగా చిత్ర బృందం డైలాగ్ ప్రోమోలను విడుదల చేసింది. ఇందులో హీరో హీరోయిన్ మధ్య వచ్చే సన్నివేశాలు ఆకట్టుకుంటున్నాయి. ఆ సీన్లు చూసి మీరూ నమ్ముకోండి మరి.

సినిమా విడుదలైన రెండో రోజు డిస్ట్రిబ్యూటర్స్ 100 శాతం తమ పెట్టుబడి రికవరీ చేసుకుని లాభాల్లోకి వెళ్లిపోయారు. దీంతో ఈ నెల 19న బ్లాక్ బస్టర్ సెలబ్రేషన్స్ నిర్వహించేందుకు ప్లాన్ చేస్తున్నారు. హైదరాబాద్ యూసఫ్‌గూడలోని కోట్ల విజయభాస్కర్ రెడ్డి స్టేడియం ఇందుకు వేదిక కాబోతోంది. ఈ బ్లాక్ బస్టర్ సెలబ్రేషన్స్‌కు మెగాస్టార్ చిరంజీవి ముఖ్య అతిథిగా హాజరు కాబోతున్నారు.

'గీత గోవిందం' తొలి రోజు రూ. 16 కోట్లకు పైగా గ్రాస్ వసూలు చేసింది. రెండో రోజుతో రూ. 25 కోట్ల మార్కును దాటేసింది. నైజాం ఏరియాలో ఆడియన్స్ ఫ్లో ఎక్కువగా ఉండటంతో 50 స్క్రీన్లను అదనంగా యాడ్ చేశారంటే సినిమాకు ఎంత డిమాండ్ ఏర్పడిందో అర్థం చేసుకోవచ్చు.