అంజలి, బ్రహ్మానందాన్ని నమ్మి ‘గీతాంజలి’ (ఫోటోలు)

దర్శకుడు మాట్లాడుతూ...

కోన వెంకట్ డైలాగులు అంటే నాకు చాలా ఇష్టం. ఆయన డైలాగులు రాసిన సినిమాకు దర్శకత్వం వహించడం ఆనందంగా ఉంది. అంజలికి నేను పెద్ద ఫ్యాన్. ఆమెతో సినిమా చేయడం హ్యాపీగా ఉంది అన్నారు.

వివి వినాయక్ మాట్లాడుతూ...

బ్రహ్మానందం, కోన వెంకట్ కాంబినేషన్....దర్శకుడు కూడా మంచి టాలెంటు ఉన్నవాడు, శ్రీనివాసరెడ్డి ముఖ్యమైన పాత్ర చేస్తున్నారు...ఈ సినిమా హిట్ కావడానికి అవకాశాలు చాలా ఉన్నాయి అన్నారు.

బ్రహ్మానందం మాట్లాడుతూ...

ఇప్పటి వరకు దాదాపు 987 సినిమాలు చేసాను. పరిశ్రమ నన్ను పెంచి పోషించింది. నాకు సహకరించిన ప్రతి ఒక్కరికీ రుణపడి ఉంటాను. తొలుత శ్రీనివాసరెడ్డి కథ చెబితే మొహమాటానికి ఒప్పుకున్నాను. కోన వెంకట్ ఎంటరయ్యాక కాదనలేక పోయాను. డైరెక్టర్ బాగా డీల్ చేసారు అన్నారు.

అంజలి మాట్లాడుతూ...

బ్రహ్మానందంగారితో కలిసి పని చేయడం చాలా హ్యాపీగా ఉంది. రాజ్ కిరణ్ కొత్తవాడైనా బాగా చేస్తున్నారు. హీరోయిన్ ఓరియంటెడ్ పాత్ర చేయడం ఇదే తొలిసారి. ఈ చిత్రం అందరికీ నచ్చుతుందనే నమ్మం ఉంది అన్నారు.

నిర్మాత మాట్లాడుతూ...

కోన వెంకట్ నాకు మంచి మిత్రుడు. చాలా కాలంగా సినిమా చేద్దామని అనుకుంటున్నాం. ఈ సినిమా కథ బాగా నచ్చింది. ఓ వైపు నవ్విస్తూనే భయ పెడుతుంది. సినిమా చూసి అందరూ ఆనందంగా బయటకు వస్తారు అన్నారు.

సినిమాలో ఎవరెవరు?

ఈ చిత్రంలో అంజలి, బ్రహ్మానందం, శ్రీనివాసరెడ్డి, రావు రమేష్, హర్షవర్ధన్ రాణే, పృథ్వి, సత్యం రాజేష్, వెన్నెల కిషోర్, శ్రవణ్, మధునందన్, షకలక శంకర్ ఇతర పాత్రలు పోషిస్తున్నారు. ఈ చిత్రానికి డాన్స్ : శేఖర్, శివ తుర్లపాటి, యాక్షన్: విజయ్, ఎడిటింగ్: ఉపేంద్ర, కెమెరా: సాయిశ్రీరామ్, సంగీతం: ప్రవీణ్ లక్కరాజు, రచనా సహకారం: అనిల్ రావిపూడి, వెంకటేష్ కిలారు, స్క్రీన్ ప్లే-మాటలు: కెన వెంకట్, సమర్పణ: కోన వెకంట్, సహ నిర్మాత: విఎస్ఎన్ కుమార్, నిర్మాత: ఎం.వి.వి.సత్యనారాయణ, కథ-దర్శకత్వం: రాజ్ కిరణ్.