జెంట్స్,సెక్స్&ట్రూత్: మియాకు పోటీగా మేల్ పాలకోవా?.. ఏంటీ కొత్త జీఎస్‌టీ?

జెంట్స్ సెక్స్&ట్రూత్:

వర్మ గాడ్ సెక్స్&ట్రూత్‌ను స్ఫూర్తిగా తీసుకున్నారో లేక.. ఆయనకు కౌంటర్‌గా తీస్తున్నారో తెలియదు గానీ మొత్తానికి 'జెంట్స్,సెక్స్&ట్రూత్'(జీఎస్‌టీ) అనే మరో సినిమా కూడా మొదలైపోయింది. ఇప్పుడీ 'జీఎస్‌టీ'కి సంబంధించిన సోషల్ మీడియాలో హాట్ టాపిక్ గా మారింది.

అచ్చుగుద్దినట్లు..:

రాంగోపాల్ వర్మ 'జీఎస్‌టీ' పోస్టర్‌కు అచ్చుగుద్దినట్లుగా ఉంది ఈ పోస్టర్. మియా మాల్కోవా స్థానంలో ఓ పురుషుడు, రాంగోపాల్ వర్మ స్థానంలో వేరే దర్శకుడు ఉన్నారంతే. మిగతాదంతా సేమ్ టూ సేమ్ అనేలా ఉంది. ఇంతకీ ఈ కొత్త దర్శకుడు ఎవరంటే.. 'సూర్య ఆకొండి'.

మేల్ పాలకోవా..:

రాంగోపాల్ వర్మ 'జీఎస్‌టీ'లో మియా మాల్కోవా నటిస్తే.. సూర్య ఆకొండి 'జీఎస్‌టీ'లో మేల్ పాలకోవా నటిస్తున్నాడు. ఏంటీ 'మేల్ పాలకోవా' అనుకుంటున్నారా?.. ఇది మాత్రం కచ్చితంగా వర్మ 'జీఎస్‌టీ' బ్యూటీకి కౌంటర్ అనే అనుకోవాలేమో!

ఇది కూడా ఫిలాసఫికల్ మూవీయే:

వర్మ 'జీఎస్‌టీ' లాగే తమ 'జీఎస్‌టీ' కూడా ఆధ్యాత్మిక ధోరణిలో సాగుతుందని పోస్టర్ తో చెప్పేశారు. ఈ పోస్టర్ చూసినవాళ్లలో చాలామంది 'వర్మ.. ఏంటి మాకీ కర్మ?' అని తలబాదుకుంటున్నవాళ్లు కూడా ఉన్నారు.

'జీఎస్‌టీ'ల గోల:

మొత్తానికి వర్మ మొదలుపెట్టిన 'జీఎస్‌టీ' ట్రెండ్ ఇలా కొంత పుంతలు తొక్కుతూ సాగిపోతోంది. పైత్యం అనుకున్నా సరే.. చెత్త అనుకున్నా సరే.. ఇక ఇలాంటి ప్రయోగాలు ఆగే సూచనలు కనిపించడం లేదు. వర్మ ఓ దారి చూపించాడు.. ఇప్పుడా దారిలో 'సూర్య ఆకొండి' లాంటి దర్శకులు నడుస్తున్నారు. మున్ముందు మరెంతమందో!