హోమ్

న్యూస్

బాలీవుడ్లో సంచలన విజయం నమోదు చేసిన గోల్ మాల్ 3 ఇప్పుడు తెలుగులో ప్రీమేక్ కాబోతోందని సమాచారం. రోహిత్ శెట్టి దర్సకత్వంలో రూపొందిన ఆ చిత్రం అక్కడ సంచలన విజయం సాధించింది. అవుట్ అండ్ అవుట్ ఎంటర్టైన్మెంట్ తో రూపొందిన ఈ చిత్రంలో అజయ్ దేవగన్, అర్షద్ వార్సీ, తుషార్ కపూర్ హీరోలుగా చేసారు. కరీనా కపూర్ హీరోయిన్ గా చేసింది.అయితే ఈ చిత్రం ఇఫ్పుడు రామానాయుడు బ్యానర్ లో నిర్మితమైన 'ముగ్గురు' సినిమాగా మారిందంటున్నారు. కథ కాస్త ఎవేగా వెళ్లినా సీన్స్ మాత్రం ఆ సినిమాలోంచే ఎత్తారని చెప్పుకుంటున్నారు. వి.ఎన్‌.ఆదిత్య దర్శకత్వంలో నవదీప్‌, రాహుల్‌, అవసరాల శ్రీనివాస్‌ హీరోలుగా 'ముగ్గురు' చిత్రం తెరకెక్కుతోంది. జూలై నెలాఖరులో ఆడియోను విడుదల చేసి, ఆగస్ట్‌ రెండో వారంలో చిత్రాన్ని రిలీజ్‌ చేసేందుకు సన్నాహాలు చేస్తున్నారు.