అనూష్క మేటర్ గురించి గోపీచంద్

By Staff

Published: Thursday, March 12, 2026, 5:03 [IST]

అనూష్కతో గోపీచంద్ బాగా క్లోజ్ గా మూవ్ అవుతాడనీ,వాళ్ళిద్దరూ త్వరలో పెళ్ళి చేసుకోబోతున్నారనే గుసగుసలు గత కొద్దిరోజులుగా వినిపిస్తున్నవే. కానీ ఆ విషయంపై ఇద్దరూ ఎప్పుడూ కామెంట్ చేయలేదు.అయితే ఇప్పుడు అనూష్క మేటర్ గురించి అతను నోరు విప్పాడు. అతని మాటల్లోనే...మేం వరసగా రెండు చిత్రాల్లో కలసి నటించాం.అవి రెండూ హిట్టయ్యాయి. అదే లక్ష్యం ఫేట్ వేరుగా ఉంటే పరిస్ధితి మరో రకంగా ఉండేది.మమ్మల్ని హిట్ పెయిర్ గా ఎవరూ గుర్తించుకోరు. వార్తలు పుట్టించరు. ఇక అనూష్కను ...నేను రికెమెండ్ చేస్తున్నారంటున్నారు.

కరెక్టే...కథ వినగానే ఫలానా హీరోయిన్ బాగుంటుందని సజెస్ట్ చేస్తూంటాము. దర్శక,నిర్మాతలకు ఇష్టమయితే అమలు చేస్తారు. అంతే. అయినా మనకు హీరోయిన్స్ కొరత బాగానే ఉంది.ఉన్నవారితోనే సరిపెట్టుకోవాలి అన్నాడు గమ్మత్తుగా నవ్వుతూ...సర్లేండి..అనూష్క గురించి ఓ రెండు మాటలు చెప్పండి అంటే...అదేంటో గానీ ఆమె లొకేషన్లోకి రాగానే వాతావరణం జాలీగా మారిపోతుంది. పెద్ద హీరోయిన్ ననే ఆలోచన లేకుండా అందరితో కలసిపోతుంది అన్నాడు. అయినా హీరోతో ఎంత పెద్ద హీరోయిన్ అయినా కలిసిపోకుండా ఎలా ఉంటుంది. అయినా లవ్ ఎఫైర్ విషయం లీక్ చేస్తాడేమో...కామెంట్ చేస్తాడేమో అనుకున్న వారికి నిరాశే కలిగింది.

More from Filmibeat