విలన్ గా హీరో గోపీచంద్?

By Staff

Published: Monday, February 23, 2009, 12:32 [IST]

విలన్ నుంచి హీరోగా ప్రమేట్ అయ్యి విజయాలు సాధిస్తున్న గోపీచంద్ మళ్ళి విలన్ గా చేయనున్నాడని సమాచారం. మార్చి 12న ప్రారంభమయ్యే వెంకటేష్ కొత్త చిత్రంలో గోపీచంద్...బలమైన ప్రత్యర్ధిగా కనిపించనున్నారని తెలుస్తోంది. అలాగే ఈ చిత్రాన్ని తేజ డైరక్ట్ చేస్తున్నారని తెలుస్తోంది. వెంకటేష్ సూపర్ హిట్ చంటికి కొనసాగింపు ఈ పాత్ర అని ఫిల్మ్ నగర్ లో వినపడుతోంది. తమన్నాని హీరోయిన్ గా అడుతున్నారని, ఆమె సోదరుడుగా గోపీచంద్ ని తీసుకోవాలని అందుకే నిర్ణయించుకున్నారని చెప్తున్నారు. పల్లె నేపధ్యంలో జరిగే ఈ కథలో గోపీచంద్ నే తీసుకోవటానికి, ఒప్పించటానికి కారణం తేజానే అంటున్నారు.

గతంలోనూ తేజ చిత్రాల్లో పూర్తి స్ధాయి విలన్ గా కనిపించి డామినేట్ చేయటం ఆ ఆలోచనకి కారణమంటున్నారు. అయితే అది పూర్తిగా కన్ఫర్మ్ కాదని ఆ పాత్ర కోసం చాలామందిని చూసిన తర్వాత గోపీచంద్ మాత్రమే సరిపోతాడని భావించి అడుగుతున్నారని కొందరంటున్నారు. ఏదైమైనా గోపీచంద్ ఈ ప్రాజెక్టు ఒప్పుకుంటే గొప్ప విజయం క్రింద లెక్కే. ఎందుకంటే నటుడన్న వారు ఏదైనా చెయ్యగలిగి ఉండాలి. అవకాశమెస్తే తనను తాను ప్రూవ్ చేసుకునే పాత్ర వస్తే వదులుకోకూడదని అతని అభిమానులు అంటున్నారు. ఇదే నిజమైతే వర్షం,జయం నాటి హిట్స్ పునరావృతమయ్యే వాతావరణం ఏర్పడుతుందన్నమాట. బెస్టాఫ్ లక్.

More from Filmibeat