For Quick Alerts
    ALLOW NOTIFICATIONS  
    For Daily Alerts

    మరో హీరో మేనకోడలుతో... స్టార్ హీరో గోపీచంద్ నిశ్ఛితార్దం

    By Srikanya
    |

    హైదరాబాద్ : స్టార్ హీరో గోపీచంద్ నిశ్చితార్దం ఫిక్సైంది. మరో తెలుగు హీరో శ్రీకాంత్‌కు స్వయానా అక్క కూతురు(మేనకోడలు) రేష్మా ని గోపీచంద్ వివాహం చేసుకోనున్నారు. ఈ ఆదివారం ఇరువైపు కుటుంబాలవారు తాంబూలాలు మార్చుకోబోతున్నారు. ఉదయం 11 గంటల 45 నిమిషాలకు ఈ నిశ్చితార్థ వేడుక ముహూరాన్ని ఖరారు చేశారు. కొత్త సంవత్సరంలో ఈ వివాహం జరగనుంది.

    గతంలో గోపీచంద్ వివాహం హరిత అనే అమ్మాయితో ఖరారైన విషయం తెలిసిందే. ఎంగేజ్ మెంట్ కూడా పూర్తయింది. 2012 ఫిబ్రవరి 24న పెళ్లి జరుగాల్సి ఉంది. పెళ్లి కార్డుల పంపిణీ కార్యక్రమం కూడా పూర్తయిది. అయితే ఈ వివాహం రద్దైంది. ఈ నిశ్చితార్దం రద్దవటంతో మనస్తాపం చెందిన ఆమె తండ్రి రాంబాబు.. ఆత్మహత్య చేసుకున్నారు.

    ప్రస్తుతం గోపీచంద్‌..... చంద్రశేఖర్‌ యేలేటి దర్శకత్వంలో ఓ చిత్రంలో నటిస్తున్నారు. తాప్సీ హీరోయిన్ గా చేస్తున్న ఈ చిత్రానికి 'జాక్‌పాట్‌' అనే పేరు పరిశీలిస్తున్నారు. నిధుల అన్వేషణ నేపథ్యంలో సాగే సినిమా ఇది. గోపీచంద్‌ సెక్యూరిటీ గార్డు పాత్రలో కనిపిస్తారని సమాచారం. ''విభిన్నమైన కథాంశంతో ఈ సినిమా రూపుదిద్దుకొంటోంది. యాక్షన్‌ ఘట్టాలు మాస్‌ని అలరిస్తాయి. లడక్‌, రాజస్థాన్‌, జోర్డాన్‌ల్లో చిత్రీకరణ జరిపాం'' అని చిత్ర వర్గాలు చెబుతున్నాయి. ఈ చిత్రంలో గోపీచంద్ ఎటిఎం సెంటర్ వద్ద సెక్యూరిటీ గార్డుగా కనపించనున్నాడని సమాచారం. మెకన్నాస్ గోల్డ్ తరహా కథాంసంతో గోపీచంద్ కెరీర్ లో నెంబర్ వన్ గా నిలవనుందని చెప్తున్నారు.

    చిత్ర దర్శకుడు చంద్రశేఖర్ మాట్లాడుతూ- ప్రపంచంలోనే ప్రమాదకరమైన ఓ దేశం నుండి ఓ సామాన్యుడు సాహసోపేతంగా నిధిని ఎలా సాధించాడన్నదే ఈ చిత్రం కధాంశమని, అడ్వెంచరస్, యాక్షన్ థ్రిల్లర్‌గా రూపొందే ఈ చిత్రాన్ని జోర్డాన్, రాజస్థాన్, లడఖ్ తదితర ప్రాంతాల్లో చిత్రీకరిస్తున్నామని, ఈ కాలానికి తగ్గట్టుగా 'ట్రెజర్ హంట్' కథను సరికొత్తగా చిత్రంలో చూపిస్తామని, తాను ఇదివరకుచేసిన చిత్రాలకు భిన్నంగా ఈ సినిమా ఉంటుందని తెలిపారు.

    హీరో గోపీచంద్ మాట్లాడుతూ..''చందు కథ చెప్పగానే చాలా ఉద్వేగానికి లోనయ్యాను. డబ్బు మనిషిని శాసిస్తున్న అంశం. ఈ కథ కూడా దాని చుట్టూనే తిరుగుతుంది. అందుకే ప్రతి ఒక్కరూ ఈ కథతో తేలిగ్గా ప్రయాణం చేయగలుగుతారు. కథ విని ఎంతో ఉద్వేగానికి లోనయ్యాను. కచ్ఛితంగా ప్రస్తుత పరిస్థితుల్లో ఇది భిన్నమైన కథ. సమాజంలో మనిషికీ, మనీకీ మధ్య చాలా లింకు ఉంది. అందుకే ఈ కథ అందరికీ కనెక్ట్ అవుతుంది'' అని చెప్పారు.

    నిర్మాత బీవీఎస్‌ఎన్ ప్రసాద్ మాట్లాడుతూ- ''గోపీచంద్, చంద్రశేఖర్ ఏలేటిలతో సినిమా చేయాలని చాలాకాలంగా అనుకుంటున్నాను. ఇన్నాళ్లకు కుదిరింది. చందు తయారు చేసిన స్క్రిప్ట్ గోపీచంద్‌కు చాలా బాగుంటుంది. భారీ ఎత్తున ఈ చిత్రాన్ని నిర్మింస్తున్నాం'' అని తెలిపారు. ఈ చిత్రానికి మాటలు: ప్రశాంత్ అట్లూరి, సుమలత, కెమెరా: శామ్‌దత్, సంగీతం: శ్రీ, సహ నిర్మాత: భోగవల్లి బాపినీడు, సమర్పణ: రిలయన్స్ ఎంటర్‌టైన్‌మెంట్.

    English summary
    Hero Gopichand will be getting engaged on 23rd December to a Hyderabad based girl by name Reshma. This girl happens to be actor Srikanth's niece. Gopichand was earlier engaged to another girl by name Haritha. Wedding date was also fixed, but the wedding was called off at the last minute for unknown reasons. Now, he is getting engaged to Srikanth's niece and the marriage will take place early next year. Gopichand is currently acting in a Chandrasekhar Yeleti's film.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X