గోపీచంద్ 'శంఖం'పూరిస్తాడా?

By Staff

Published: Saturday, May 23, 2009, 16:30 [IST]

యాక్షన్ హీరో గోపీచంద్ త్వరలో అన్యాయాలపై శంఖం పూరించనున్నట్లు సమాచారం. గోపీచంద్ హీరోగా కెమెరామెన్ శివ దర్శకత్వంలో ప్రస్తుతం నిర్మాణం జరుపుకొంటున్న తాజా చిత్రానికి 'శంఖం' అనే టైటిల్ ను పరిశీలిస్తున్నట్టు సమాచారం. ఈ చిత్రంలో్ హీరో అన్యాయాలు, అక్రమాలపై ఎడతెగని పోరాటం సాగిస్తాడని తెలుస్తోంది..అందుకే అందుకు తగ్గట్లుగా శంఖం అనే టైటిల్ ని ఫిక్స్ చేయాలని ప్లాన్ చేస్తున్నట్లు యూనిట్ వర్గాలు యోచిస్తున్నారు.

ఇక గతంలో గోపీచంద్-శివ కాంబబినేషన్ లో ఇటీవల హిట్ చిత్రం 'శౌర్యం' రూపొందిందన్న సంగతి తెలిసిందే. ఈ ఇద్దరి కాంబినేషన్ లో రూపొందుతున్న తాజా చిత్రాన్ని బాలాజీ సినీ మీడియా బ్యానర్ పై జె.భగవాన్, జి.పుల్లారావు సంయుక్తంగా నిర్మిస్తున్నారు. శరవేగంగా నిర్మాణం జరుపుకొంటున్న ఈ చిత్రంలో గోపీచంద్ కు జోడిగా త్రిష నటిస్తోంది.

ఇటీవల ఆస్ట్రేలియాలోని పాటల చిత్రీకరణ జరిపుకున్న ఈ చిత్రం నెలాఖరుకు షూటింగ్ పూర్తి చేయాలనే పట్టుదలతో దర్శకనిర్మాతలు ఉన్నట్లు తెలుస్తోంది. అలాగే ఈ చిత్రంలో గోపీచంద్ కు తండ్రిగా తమిళ సీనియర్ నటుడు సత్యరాజ్ కీలక పాత్ర పోషిస్తున్నారు. అలాగే ఇతర పాత్రల్లో చంద్రమోహన్, ధర్మవరపు, ఆలి, వేణుమాధవ్, ఎం.ఎస్.నారాయణ, ఎల్.బి.శ్రీరామ్, ఆహుతి ప్రసాద్, బెనర్జీ, సీత తదితరులు నటిస్తున్నారు. బెట్టీ సినిమాటోగ్రఫీ, తమన్ సంగీతం అందిస్తున్నారు.

More from Filmibeat