టీవీ సీరియల్ పై నిషేధం

By Staff

Published: Thursday, November 27, 2008, 14:54 [IST]

చిన్నపిల్లలకు చెందిన టెలివిజన్‌ కార్టూన్‌ సీరియల్‌ 'షిన్‌ చాన్‌'పై కేంద్ర ప్రభుత్వం నిషేధం విధిస్తూ ఉత్తర్వులు జారీ చేసింది. ఈ సీరియల్‌లో ఇటీవల కొన్ని అభ్యంతరకర సన్నివేశాలు ప్రసారం అవుతుండటంతో ఈ నిర్ణయం తీసుకున్నామని కేంద్ర సమాచార, ప్రసార శాఖ సహాయ మంత్రి ఆనంద్‌ శర్మ తెలిపారు. ఈ సీరియల్‌ 'హంగామా' అనే టెలివిజన్‌ ఛానల్‌లో ప్రసారం అవుతూ విపరీతమైన ఆదరణను పొందుతోంది. ఈ సందర్భంగా ఆర్థిక నిపుణుల సదస్సులో శర్మ మాట్లాడుతూ.. సమాజాన్ని పక్కదోవ పట్టించే ఎలాంటి హింసాత్మకమైన కార్యక్రమాలనైనా ప్రభుత్వం తీవ్రంగా పరిగణిస్తుందని పేర్కొన్నారు. దేశంలో కొన్ని ప్రాంతాల్లో ఈ సీరియల్‌ ఇంకా ప్రసారం అవుతోంది కదా..? అన్న ప్రశ్నకు సమాధానంగా.. ఈ విషయంపై కఠిన చర్యలు తీసుకోవలసిందిగా అధికారులను ఆదేశించామన్నారు.అలాగే మరికొన్ని ఇలాంటి సీరియల్స్ ని కూడా పరిశీలుస్తున్నారని తెలుస్తోంది. ఇక మన తెలుగు సీరియల్స్ కూడా వారు చూస్తే...ఏదొ ఒక నిర్ణయం తప్పనిసరిగా తీసుకుంటారని అంతా ఆసిస్తున్నారు.ఆ రోజులు ఎప్పుడొస్తాయో...

More from Filmibeat