అనుష్కతో ఎఫైర్?.. ఆ కోరిక బయటపెట్టిన ప్రభాస్, ఒకప్పుడు బస్సుల్లోనూ.., సాహో తర్వాత అదే!

అనుష్కతో ఎఫైర్?..:

ఒకే హీరోయిన్‌తో అనేక సినిమాల్లో చేసినప్పుడు.. ఇద్దరి మధ్య ఎఫైర్ గురించి వార్తలు రావడం సహజమే. అనుష్కకు నాకు కూడా అదే జరిగింది. కానీ నేను అనుష్క ఇప్పటికీ ఎప్పటికీ మంచి స్నేహితులం మాత్రమే.

పొగరుగా ప్రవర్తిస్తే..

బాహుబలి సినిమాతో వరల్డ్ వైడ్ ఫేమ్ వచ్చింది కదా అని.. విజయాన్ని తలకెక్కించుకోను. ఇండస్ట్రీలో నాకు ఎంతోమంది మంచి స్నేహితులు ఉన్నారు. ఎంత మంచి స్నేహితులంటే.. నేను పొగరుగా ప్రవర్తిస్తే నా తలపై మొట్టికాయలు పడుతాయంతే.

సాహో తర్వాత.. హిందీలో:

నేను హిందీ సినిమాల్లో నటిస్తున్నట్లు ప్రచారం జరుగుతోంది. చాలా కాలంగా నేను హైదరాబాద్ లోనే నివసిస్తున్నా. ఇక్కడ 60 శాతం మంది హిందీలోనే మాట్లాడతారు. నేనూ హిందీ సినిమాలు బాగా చూస్తాను. చెప్పాలంటే మూడేళ్ల క్రితమే ఓ హిందీ సినిమాకు ఓకే చేశాను. లవ్ స్టోరీతో ఆ చిత్రం రాబోతోంది. 'సాహో' తర్వాత

నిర్మొహమాటంగా..:

నాకు బాలీవుడ్‌లో కరణ్‌ జోహార్‌ మంచి స్నేహితుడు. నాకేం కావాలన్నా అతన్నే నిర్మొహమాటంగా అడుగుతాను. 'బాహుబలి' సినిమా సమయంలో చాలా హెల్ప్ చేశారు.

'సూపర్ స్టార్' కోరిక బయటపెట్టేశాడు..:

ఏదైనా ఒక పాత్రతో ఓ హీరోకు మంచి గుర్తింపు వచ్చిందంటే.. తన తర్వాతి సినిమాల్లోనూ అలాంటి పాత్రనే కోరుకుంటారు. వేరే పాత్రలు చేస్తే ఫ్లాప్ అవుతుందనుకుంటారు. కానీ అందులో లాజిక్‌ లేదు. స్క్రిప్ట్ బాగాలేకపోతే సినిమా ఆడదు.

స్క్రిప్ట్ సరిగా లేక సినిమా ఆడకపోయినా.. హీరోనే సరిగా నటించలేదంటారు. అది సరికాదు. బాహుబలి తర్వాత ప్రభాస్ సూపర్ స్టార్ అయిపోయాడంటున్నారు. కానీ నేను మాత్రం ఏదో ఒకరోజు సూపర్ స్టార్ అవాలని కోరుకుంటున్నాను.

ఒకప్పుడు బస్సులో వెళ్లిన రోజులు..:

స్టార్‌ కిడ్స్‌కి సులువుగా అవకాశాలు దొరుకుతాయన్న ప్రచారం ఉంది. వారికి ఎలాంటి ఆర్థిక సమస్యలు ఉండవు అని చెబుతారు. మా నాన్న సక్సెస్ ఫుల్ నిర్మాత.. అయినా నా కాలేజీ రోజుల్లో నేను బస్సులో వెళ్లేవాడిని. అప్పుడు నన్ను చూసి కొంతమంది 'అతను పెద్దింటి కుటుంబం నుంచి వచ్చాడు' అంటుండేవారు. అలాంటి సంఘటనలే జీవితంలో నన్ను కష్టపడేలా చేశాయి.-ప్రభాస్