twitter
    For Quick Alerts
    ALLOW NOTIFICATIONS  
    For Daily Alerts

    బాలకృష్ణ కుమార్తె వివాహ కళ్యాణ మండపం..వివరాలు

    By Srikanya
    |

    హైదరాబాద్ :నందమూరి బాలకృష్ణ రెండో కుమార్తె తేజస్విని వివాహం ఈ నెల 21న జరగనున్న సంగతి తెలిసిందే. హైదరాబాద్‌లోని హైటెక్స్ ప్రాంగణంలో ఈ వేడుకను వైభవంగా జరపనున్నారు. అత్యంత సుందరంగా కళ్యాణ మండపాన్ని తయారు చేయిస్తున్నారు. ఈ మేరకు ఏర్పాట్లు గ్రాండ్ గా జరుగుతున్నాయి. ఎన్నో భారీ చిత్రాలకు అత్యధ్బుతమైన సెట్స్ వేయటంలో అనుభవమున్న ఆనందసాయి.. ఈ వివాహానికి మండపం రెడీ చేస్తున్నారు. గతంలో ఆనంద సాయి...రామ్ చరణ్, అల్లు అర్జున్, ఎన్టీఆర్ వివాహాలకు సెట్స్ డిజైన్ చేసారు. ఈ మండపం నమూనాని బాలయ్య దగ్గరుండి మరీ డిజైన్ చేయించుకున్నారని, స్వర్ణ వర్ణంతో ఉండబోయే ఈ మండపం..నీలం రంగు లైటింగ్ తో ఉండబోతోందని తెలుస్తోంది.

    ఈ మండపాన్ని దాదాపు నలభై ఐదు రోజులుగా నూట డబ్బై ఐదు మంది కష్టపడి తయారు చేస్తున్నారు. అలాగే ఈ మండపం హైలెట్స్ లో ..హ్యాంగింగ్ వాటర్ పౌంటెన్స్ చోటు చేసుకోనున్నాయి. వివాహానికి వచ్చే ఆహాతులను ఈ వాటర్ ఫౌంటన్స్ ఆశ్చర్యపరిచి ఆకట్టుకుంటాయని అంటున్నారు. అలాగే ఈ కల్యాణ మండపానికి రెండు ప్రవేశ ద్వారాలు ఏర్పాటు చేస్తున్నారు. దాదాపు 15 వేల మందికి సరపడా ఏర్పాట్లు చేస్తున్నారు.

    విశాఖ మాజీ ఎంపీ ఎంవీవీఎస్ మూర్తి, కేంద్రమంత్రి కావూరి సాంబశివరావు మనవడైన శ్రీభరత్‌తో తేజస్విని వివాహ నిశ్చితార్థం బాలయ్య ఇంట్లో ఆదివారం ఉదయం 11 గంటలకు జరగింది. మాదాపూర్‌లోని హైటెక్స్‌లో ఈ నెల 21వ తేదీ ఉదయం 8:52 గంటలకు వివాహం జరపనున్నారు.

    సినీ నటుడు బాలకృష్ణ తన కుమార్తె వివాహానికి అభిమానులందరినీ ఆహ్వానించారు. నందమూరి కుటుంబ అభిమానులంతా పెళ్లికి రావాలని పత్రికాముఖంగా విజ్ఞప్తి చేశారు. బాలకృష్ణ కుమార్తె తేజస్విని వివాహం భరత్‌తో ఈనెల 21న ఉదయం 8:25 నిమిషాలకు మాదాపూర్‌లోని హైటెక్స్‌లో జరగనుంది. పత్రికా ప్రకటననే వ్యక్తిగత ఆహ్వానంగా భావించాలని కోరారు.

    English summary
    The wedding ceremony of Nandamuri Balakrishna’s younger daughter, Tejaswini, will take place at HITEX, and special preparations are already underway. Art director Anand Sai readied a massive and grand set for the event.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X