రానాతో గుణశేఖర్ ‘హిరణ్యకశిప’... రూ. 180 కోట్ల భారీ బడ్జెట్!

రూ. 180 కోట్ల భారీ బడ్జెట్

మైథలాజికల్ సినిమా అంటే భారీ సెట్టింగులు, గ్రాఫిక్స్ తప్పనిసరి. మామూలు బడ్జెట్‌లో ఇలాంటి సినిమా చేయడం అసాధ్యం. తాజాగా అందుతున్న సమాచారం ప్రకారం ఈ సినిమా కోసం రూ. 180 కోట్లు ఖర్చు చేయబోతున్నట్లు తెలుస్తోంది.

వైకుంఠం, ఇంద్రలోకం సెట్లు

సినిమాలో వైకుంఠం, ఇంద్రలోకం లాంటి సెట్లు ఇప్పటి వరకు ప్రేక్షకులు ఏ సినిమాలోనూ చూడని స్థాయిలో వేస్తున్నారట. ఇందుకు సంబంధించిన స్కెచ్ డిజైన్స్ ప్రముఖ ఆర్టిస్ట్ ముఖేష్ సింగ్ ఆధ్వర్యంలో రూపొందుతున్నాయని సమాచారం.

స్పెషల్ ఎట్రాక్షన్ నరసింహుడి అవతారం

ఈ చిత్రంలో నరసింహుడి అవతారం స్పెషల్ ఎట్రాక్షన్ కాబోతోందని, ఈ పాత్రకు సంబంధించిన రూపాన్ని వెండితెరపై చూపి ప్రేక్షకులు ఆశ్చర్యపోయేలా ప్లాన్ చేస్తున్నట్లు తెలుస్తోంది. త్వరలోనే ఇందుకు సంబంధించిన డిజైన్స్ విడుదల చేసే అవకాశం ఉంది.

విఎఫ్ఎక్స్ కోసం భారీ ఖర్చు

ఈ సినిమాలో టాప్ క్లాస్ విఎఫ్ఎక్స్ కోసం భారీ గా ఖర్చు పెడుతున్నారు. తెరపై సినిమా చూసే సమయంలో ప్రేక్షకులు మంత్రముగ్ధులు అయ్యేలా గ్రాఫిక్స్ ఉండబోతున్నాయట. తెలుగు, తమిళం, హిందీలో ఈ సినిమా విడుదల చేయనున్నారు. త్వరలోనే మరిన్ని వివరాలు వెల్లడికానున్నాయి.