Don't Miss!
- Sports PBKS vs MI: ఆ తప్పిదంతోనే గెలిచే మ్యాచ్లో ఓడాం: సామ్ కరణ్
- News పొన్నూరు వైసీపీ అభ్యర్థి అంబటి మురళీపై చర్యలకు ఈసీ ఆదేశం
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
నితిన్ రాకతో సందడి, పవన్ అభిమానులు సైతం
శ్రీకాకుళం : హీరో నితిన్ శ్రీకాకుళం జిల్లా ఆసరెల్లిలోని కార్తీక థియేటర్లో సందడి చేసారు. తన తాజా సినిమా 'గుండె జారి గల్లంతయ్యిందే' సూపర్ హిట్ కావడంతో రాష్ట్రవ్యాప్తంగా పర్యటిస్తున్న నితిన్ ఆసరెల్లిలో హీరోయిన్ ఇషా తల్వార్తో కలిసి హాజయ్యాడు. ఈ సందర్భంగా నితిన్ మాట్లాడుతూ సినిమాను విజయవంతం చేసిన ప్రేక్షకులకు కృతజ్ఞతలు తెలిపారు.
యువత కష్టపడితే ఏదైనా సాధించగలరని, కష్టపడి పని చేసి మంచి గుర్తింపు తెచ్చుకోవాలని నితిన్ సూచించారు. హీరోయిన్ ఇషా తల్వార్ మాట్లాడుతూ....తాను తెలుగులో నటించిన తొలి సినిమా విజయవంతం కావడంపై ఆనందం ఉందని, ఈ హిట్ తన కెరీర్కు ప్లస్సవుతుందని వ్యాఖ్యానించారు.
కాగా.....'గుండెజారి గల్లంతయ్యిందే' చిత్రాన్ని పవన్ కళ్యాణ్ అభిమానులు భారీ సంఖ్యలో చూస్తున్నారు. ఈ చిత్రంలో పవన్ కళ్యాణ్ సూపర్ హిట్ సాంగ్ రీమిక్స్ చేయడంతో పాటు, పలు సీన్లు ఉండటంతో ఈ చిత్రాన్ని మళ్లీ మళ్లీ చూసేందుకు ఆసక్తి చూపుతున్నారు ఫ్యాన్స్. నితిన్ కూడా పవన్ కళ్యాణ్ అభిమాని అనే సంగతి తెలిసిందే.
సినిమా ఫుల్లీ లోడెడ్ ఎంటర్టెన్మెంట్, బ్రాండ్ న్యూ లవ్ స్టోరీరీ తోడు....పవన్ ఎఫెక్టు కూడా తోడవటంతో సినిమా వసూళ్ల పరంగా దూసుకెలుతోంది. ఈ చిత్రం వసూళ్ల పరంగా త్వరలో రూ. 20 కోట్ల క్లబ్లో చేరడం ఖాయం అంటున్నారు ట్రేడ్ నిపుణులు. గుండెజారి గల్లంతయ్యిందే చిత్రం తర్వాత నితిన్ 'కొరియర్ బాయ్ కళ్యాణ్' చిత్రం చేస్తున్నాడు. గౌతం మీనన్ నిర్మిస్తున్న ఈచిత్రానికి ప్రేమ్ సాయి దర్శకత్వం వహిస్తున్నారు. యామి గౌతం నితిన్ సరసన హీరోయిన్ గా ఎంపికయింది. కార్తీక్ ఈచిత్రానికి సంగీతం అందిస్తున్నారు.
ఈ సినిమాల తర్వాత మరో రెండు ప్రాజెక్టులు నితిన్కు ఖరారయ్యాయి. అందులో కిక్ దర్శకుడు సురేందర్ రెడ్డి దర్వకత్వంలో రూపొందబోయే సినిమా ఒకటి కాగా, మరొకటి అలా మొదలైంది, జబర్దస్త్ చిత్రాల ఫేం నందినీరెడ్డి దర్శకత్వంలో చేయనున్నారు. ఈ చిత్రాలు 2014లో సెట్స్ పైకి వెళ్లనున్నాయి.