ఎవరితోనైనా సై...హన్సిక

తాను ఎలాంటి స్టార్ తో నైనా చేయటానికి రెడీ అనీ క్రేజీ స్టార్ హన్సిక ప్రకటించింది. ఆ మధ్య ఆమె యంగ్ హీరోలుతోనే చేస్తుందని, అదీ కాస్త క్రేజ్ ఉన్నవాళ్లతో అయితే సమస్యలేదంటోందంటూ వార్తలు వచ్చాయి. వాటిని ఇప్పుడు హన్సిక ఖండిస్తోంది. ఆమె మీడియాతో మాట్లాడుతూ..నేనెప్పుడూ ఫలానా హీరోతో అయితేనే చేస్తానని ఎవరి దగ్గరా పట్టు పట్టలేదు. ఎప్పుడూ స్టోరీ, నా క్యారెక్టరైజేషన్ కే ప్రాధాన్యత ఇచ్చాను. అలాగే చిన్నా పెద్దా తేడాల్లేకుండా హీరోలందరితోనూ నటించడానికి సిద్ధమే అని ప్రకటించింది. ఇది విన్న వాళ్ళు రోజు రోజుకీ పెర్గుతున్న కాంపిటేషన్ ను దృష్టిలో పెట్టుకునే ఇలా మాట మారుస్తోంది అంటున్నారు.

ఇక భారీ పారితోషికం ఇస్తే ఐటమ్ సాంగ్స్ లో చేసేందుకు హన్సిక రెడీ అని కూడా రూమర్స్ వచ్చాయి. వాటి గురించి హన్సిక మాట్లాడుతూ ఐటెమ్‌ సాంగ్‌ లలో నటించడానికి ఎక్కువ మొత్తాన్ని డిమాండ్‌ చేస్తున్నానని ప్రచారం మొదలైంది. ఇది అర్థం లేని, ఆధారరహితమైన పుకారు. 'బిల్లా'లో ఐటెం సాంగ్ లో డాన్స్ చేయటానికి కారణం డబ్బు కాదు. దర్శకుడు మెహర్‌ రమేష్‌. తను నాకు సోదరుడు లాంటి వాడు. తనడిగితే కాదనలేక చేశాను. ఈ విషయం ఎప్పట్నించో చెబుతూనే ఉన్నాను. అంతేగానీ ఐటమ్ సాంగ్స్ చేయటం నాకిష్టం లేదు. ఇక మీదట చెయ్యను. నేనెప్పుడూ ఎవరినీ డబ్బు డిమాండ్‌ చేయనూ లేదు అంటోంది.