క్యూటీ... నిన్ను మిస్సవుతున్నా: భార్య గురించి అల్లు అర్జున్ ట్వీట్

బన్నీ ట్వీట్

స్టైలిష్ స్టార్ అల్లు అర్జున్, స్నేహా రెడ్డి ప్రేమ వివాహం చేసుకున్న సంగతి తెలిసిందే. తమ కులాలు, ప్రాంతాలు వేరైనా అలాంటివేమీ పట్టించుకోకుండా ఆదర్శ వివాహం చేసుకున్నారు ఇద్దరు. మార్చి 6, 2011లో పెద్దల అంగీకారంతో వీరి వివాహం జరిగింది.

ఊటీలో...

ప్రస్తుతం అల్లు అర్జున్ సినిమా షూటింగులోభాగంగా ఊటీలో ఉన్నట్లు సమాచారం. సెట్స్ లో దసరా ఆయుధ పూజ ఫోటోను బన్నీ పోస్టు చేశారు.

స్నేహను ఎంతగా ప్రేమించాడంటే..

ఇటీవల ఓ సందర్భంలో అల్లు అర్జున్ తన లవ్ మెమొరీస్ గుర్తు చేసుకున్నారు. ఒకానొక సమయంలో కెరీర్, ప్రేమ ఏది ఎంచుకోవాలనే సందిగ్ధ పరిస్థితిలో కొట్టుమిట్టాడానని, ఆ సమయంలో స్నేహారెడ్డిని మిస్సవుతానేమో అని భయపడ్డానని అల్లు అర్జున్ వెల్లడించారు. 'దేశ ముదురు' సినిమా షూటింగ్ సమయంలో తనకు ఈ పరిస్థితి ఎదురైందని చెప్పిన అల్లు అర్జున్ అప్పటి విషయాలను నెమరు వేసుకున్నారు.

‘దేశ ముదురు' షూటింగ్ సమయంలో....

ఓసారి తనకు ఒక పెద్ద సమస్య వచ్చిందని, ప్రియురాలు స్నేహారెడ్డి వద్దకు వెళ్లాలా? లేక ‘దేశ ముదురు' షూటింగ్ కోసం మనాలి వెళ్లాలా? అనే సంధిగ్దత తలెత్తిందని తెలిపాడు. రెండింటిలో ఏదైనా ఒకటే ఎంచుకునే ఆ పరిస్థితిలో చాలా తికమకపడ్డానని అల్లు అర్జున్ తెలిపారు.

తర్వాత స్నేహ ప్రేమను పొందాను

ఒక వేళ షూటింగ్ కోసం మనాలి వెళ్తే, స్నేహను మిస్ అయిపోతానేమో అనే భయం వేసింది. అయితే, షూటింగుకే ప్రాధాన్యతను ఇచ్చి మనాలి వెళ్లాను. అప్పుడు తాను సరైన నిర్ణయం తీసుకున్నాను. తర్వాత స్నేహ ప్రేమను పొందాను అని అల్లు అర్జున్ తెలిపారు.