Sharwanand బర్త్ డే రోజు శర్వానంద్ గుడ్ న్యూస్ - తండ్రిగా ప్రమోషన్.. బేబీ పేరేంటో తెలుసా?

టాలీవుడ్‌ హీరో శర్వానంద్ గతేడాది వివాహా బంధంలోకి అడుగుపెట్టిన సంగతి తెలిసిందే. అయితే నేడు తన పుట్టినరోజు సందర్భంగా ఆయనో గుడ్ న్యూస్ చెప్పారు. తాను తండ్రిగా ప్రమోషన్​ పొందినట్లు పేర్కొన్నారు. ఇది తెలుసుకుంటున్న ఫ్యాన్స్ షాక్ అండ్ సర్​ప్రైజ్​ అవుతున్నారు. కాస్త డిఫరెంట్​గా కామెంట్స్ చేస్తున్నారు. ఆ వివరాల్లోకి వెళితే...

టాలీవుడ్‌ హీరో శర్వానంద్ గురించి ప్రత్యేకంగా పరిచయం అక్కర్లేదు. సినిమాల్లో సైడ్ క్యారెక్టర్ స్థాయి నుంచి హీరోగా ఎదిగాడు. ఈ క్రమంలోనే ఫ్యామిలీ హీరోగా పేరొందిన ఆయన వరుసగా సినిమాలు చేస్తూ ప్రేక్షకుల్ని అలరిస్తున్నారు. అయితే గత కొంత కాలంగా ఆయనకు సరైన హిట్​ పడలేదు. పడి పడి లేచే మనసు, రణరంగం, జాను, శ్రీకరం, మహా సముద్రం, ఆడవాళ్లు మీకు జోహార్లు లాంటి చిత్రాలు బాక్సాఫీస్ దగ్గర మంచి వసూళ్లను సాధించలేకపోయాయి. అయితే ఆ తర్వాత నటించిన ఒక ఒక జీవితం కంటెంట్​ పరంగా మంచి టాక్ తెచ్చుకుంది.

ఇక పర్సనల్ లైఫ్ విషయానికొస్తే గతేడాది జూన్ 3న రక్షితారెడ్డిని ఆయన పెళ్లి చేసుకున్న సంగతి తెలిసిందే.. ఇరు కుటుంబాల పెద్దలు, అత్యంత సన్నిహితుల సమక్షంలో వీరి పెళ్లి గ్రాండ్​గానే జరిగింది. జైపుర్‌లోని లీలా ప్యాలెస్‌ వేదికగా అట్టహాసంగా జరిగింది. సుమారు రెండు రోజుల పాటు సాగిన ఈ పెళ్లి వేడుకల్లో మెగా పవర్ స్టార్​ రామ్‌చరణ్‌తో పాటు పలువురు సినీ సెలబ్రిటీలు విచ్చేసి వధూవరులను ఆశ్వీర్వదించారు.

అయితే నేడు ఆయన పుట్టినరోజు అన్న సంగతి తెలిసిందే. అందరూ ఆయనకు శుభాకాంక్షలు తెలుపుతున్నారు. అలానే శర్వా కొత్త సినిమాకు సంబంధించిన అప్డేట్స్ కూడా వరుసగా వస్తున్నాయి. ఈ క్రమంలోనే తన పుట్టినరోజు సందర్భంగా ఓ షాకింగ్ అండ్ సర్​ప్రైజ్ విషయాన్ని చెప్పారు శర్వా. తాను - రక్షితా రెడ్డి తల్లిదండ్రులుగా ప్రమోషన్ పొందినట్లు చెప్పారు. ఈ విషయాన్ని తన పుట్టిన రోజు సందర్భంగా ఇన్‌స్టాలో పోస్ట్ చేసి తెలిపారు. తమ ముద్దుల పాపకు సంబంధించిన ఫొటోను షేర్ చేశారు. తనకు లీలా దేవి మైనేని అనే పేరు కూడా పెట్టినట్లు చెప్పుకొచ్చారు.

ఇక ఈ విషయం తెలుసుకుంటున్న అభిమానులు శర్వాకు కంగ్రాట్స్​ చెబుతున్నారు. శర్వాకు పెళ్లి గతేడాది జూన్​ 3న జరిగింది. అంటే పెళ్లైనా 9 నెలలకే తండ్రి అయ్యారు. కాగా గతేడాది నవంబర్‌లో రక్షితా రెడ్డి ప్రెగ్నెన్సీతో ఉన్నట్లు ప్రచారం సాగింది. కానీ ఈ విషయాన్ని ఈ జంట అస్సలు బయట పెట్టలేదు. ఎక్కడా బయట పెట్టకుండా జాగ్రత్తపడ్డారు. తాజాగా పుట్టిన రోజు సందర్భంగా ఏకంగా బిడ్డ పుట్టినట్లు చెప్పి సర్​ప్రైజ్ ఇచ్చారు. ఇకపోతే ప్రస్తుతం శర్వా చేతిలో మూడు చిత్రాలు ఉన్నాయి. దర్శకులు శ్రీరామ్ ఆదిత్య, అభిలాష్​ రెడ్డి, రామ్ అబ్బరాజుతో సినిమాలు చేస్తున్నాడు.