మీ కోసం ఇంటి వద్ద ఎదురుచూపులు.. ఆ విషాదం మరవక ముందే.. షాకింగ్‌లో ఎన్టీఆర్, కల్యాణ్ రాం

జానకిరాం మృతితో

తన సోదరుడు జానకీరాం మృతితో ఎన్టీఆర్, కల్యాణ్ రాం తీవ్ర విషాదానికి గురయ్యారు. అన్నయ్య లేని లోటు తీర్చలేనిదని పలుమార్లు ఆవేదన గురయ్యారు. వాహనం నడిపేటప్పుడు జాగ్రత్తలు తీసుకోవాలని ఎన్టీఆర్, కల్యాణ్‌రాం సూచించేవారు.

వాహనం నడిపేటప్పుడు

జానకిరాం మృతి తర్వాత విడుదలైన నాన్నకు ప్రేమతో చిత్రంలో వాహనం నడిపేటప్పుడు ఇంటి వద్ద మనకోసం ఎదురుచూసే వాళ్లు ఉంటారు అనే విషయాన్ని గుర్తు పెట్టుకోవాలని వాహనదారులకు రిక్వెస్ట్ చేశారు.

ఎన్టీఆర్‌ ఇంట్లో మరోసారి విషాదం

రోడ్డు ప్రమాదాలపై అవగాహన కల్పిస్తున్న ఎన్టీఆర్ కుటుంబానికి మరోసారి విషాద ఘటన ఎదురైంది. హరికృష్ణ మంగళవారం రాత్రి రోడ్డు ప్రమాదంలో మృతి చెందిన విషయం తెలిసిందే. దాంతో మరోసారి ఎన్టీఆర్, కల్యాణ్ రాం తీవ్ర మనోవేదనకు లోనవుతున్నారు.

ధైర్యంగా ఉండాలని సూచన

హరికృష్ణ మృతి నేపథ్యంలో ఎన్టీఆర్, కల్యాణ్ రాంకు పలువురు సినీ, రాజకీయ ప్రముఖులు సంతాపం వ్యక్తం చేశారు. ఈ విషాద సమయంలో ధైర్యంగా ఉండాలని వారికి సూచిస్తున్నారు.