మెగా అల్లుడితో సినిమా.. క్లారిటీ ఇచ్చిన హరీష్ శంకర్!

మెగా అల్లుడితో సినిమా

విజేత చిత్రంతో ఇటీవలే మెప్పించిన మెగాస్టార్ చిన్నల్లుడు కళ్యాణ్ దేవ్ తదుపరి చిత్రం విషయంలో ఊహాగానాలు మొదలయ్యాయి. ఆ ఊహాగానాలు హరీష్ శంకర్ తో ముడిపడి ఉండడం విశేషం. హరీష్ శంకర్ త్వరలో కళ్యాణ్ దేవ్ ని డైరెక్ట్ చేయబోతున్నాడని సోషల్ మీడియా కోడై కూస్తోంది.

హరీష్ క్లారిటీ

ఈ వార్తలపై హరీష్ శంకర్ స్పందించాడు. కళ్యాణ్ దేవ్ ని డైరెక్ట్ చేయబోతున్నానంటూ వస్తున్న వార్తల్లో వాస్తవం లేదని, తన తదుపరి చిత్రం గురించి త్వరలోనే వివరాలు వెల్లడిస్తానని హరీష్ పేర్కొన్నాడు.

కొన్నిసార్లు తప్పవు

ఇటీవల స్టార్ ప్రొడ్యూసర్ దిల్ రాజు తన తదుపరి చిత్రాల జాబితాని ప్రకటించారు. అందులో తన చిత్రం లేదని నిట్టూరుస్తూ కొన్నిసార్లు ఇలాంటివి తప్పవు అని ట్వీట్ చేశాడు.

దాగుడు మూతలు

దాగుడు మూతలు టైటిల్ తో హరీష్ శంకర్ ఓ మల్టీస్టారర్ చిత్రానికి ప్లాన్ చేశాడు. ఆ చిత్రం దిల్ రాజు నిర్మణంలోనే రావలసి ఉంది. కానీ అనుకోని కారణాల వలన ఆ చిత్రం ఇప్పట్లో ప్రారంభం అయ్యే అవకాశాలు కనిపించడం లేదు. దీంతిహో హరీష్ తదుపరి చిత్రం ఏంటనే విషయం ఉత్కంఠ పెంచుతోంది.