పవన్-పూరి కాంబోపై.. హరీష్ శంకర్ కామెంట్స్

పవన్ కళ్యాణ్‌తో త్వరలోనే సినిమా చేయబోతున్నాను అంటూ పూరి జగన్నాధ్ ప్రకటించిన విషయం తెలిసిందే. పూరి ట్విట్టర్లో ఈ ప్రటకన చేశారో లేదు...అటు పవన్ కళ్యాణ్ అభిమానుల నుంచే కాకుండా ఇటు పలువురు సినీ ప్రముఖ నుంచి కూడా ఆనందం వ్యక్తం అవుతోంది.

పవన్-పూరి సినిమాపై 'గబ్బర్ సింగ్' దర్శకుడు హరీష్ శంకర్ స్పందిస్తూ....''ఈ విషయం వినగానే సూపర్ థ్రిల్లింగ్ గా ఫీలయ్యాను. నా అభిమాన హీరో పవన్ కళ్యాణ్, మా గురూజీ పూరీ జగన్నాథ్ కాంబినేషన్లో సినిమా రావడం ఎంతో సంతోషంగా ఉంది. ఈ సినిమా రికార్డు స్థాయి హిట్టవుతుందని భావిస్తున్నాను'' అంటూ ట్విట్టర్లో పేర్కొన్నారు.

హరీష్ శంకర్ ప్రస్తుతం పవన్ కళ్యాణ్ హీరోగా 'గబ్బర్ సింగ్' చిత్రాన్ని రూపొందిస్తున్నారు. ఈ చిత్రంలో శృతి హాసన్ హీరోయిన్ గా నటిస్తోంది. సల్మాన్ ఖాన్ హీరోగా హిందీలో వచ్చిన దబాంగ్ చిత్రానికి ఇది రీమేక్. పరమేశ్వరి ఆర్ట్స్ష్ బ్యానర్ పై నిర్మాత గణేష్ బాబు గబ్బర్ సింగ్ చిత్రాన్ని నిర్మిస్తున్నారు.