ఒకటి కాదు.. రెండు కాదు.. '24'ముద్దులు, హెబ్బా పటేల్ రెచ్చిపోతుందట?

శ్రీ లక్ష్మీ అండ్ 24 కిసెస్:

'మిణుగురులు' సినిమాతో విమర్శకుల ప్రశంసలు అందుకున్నయోధ్య కుమార్ దర్శకత్వంలో 'శ్రీ లక్ష్మీ అండ్ 24 కిసెస్' అనే ప్రాజెక్ట్ త్వరలోనే పట్టాలెక్కనుంది. ఈ సినిమాలో హీరోయిన్ పాత్ర కోసం తాజాగా హెబ్బా పటేల్ ను ఓకె చేశారు.

మరోసారి బోల్డ్ క్యారెక్టర్:

'శ్రీలక్ష్మీ&24కిసెస్' సినిమాలో అవకాశంపై హెబ్బా సంతోషం వ్యక్తం చేస్తున్నారు. 'కుమారి 21 ఎఫ్... తరహాలోనే '24 కిసెస్'లో కూడా నాది చాలా బోల్డ్ క్యారెక్టర్. ఆ సినిమాకు ఎంత క్రేజ్ వచ్చిందో, దీనికి కూడా అంతే క్రేజ్ వస్తుంది' అని హెబ్బా ధీమాగా చెబుతోంది.

గ్లామర్ డోసు పెంచుతారా?:

'శ్రీలక్ష్మీ&24కిసెస్'లో బోల్డ్ సన్నివేశాలు పీక్ స్టేజ్ లో ఉంటాయన్న టాక్ వినిపిస్తోంది. హెబ్బా గ్లామర్ ను పూర్తిగా వినియోగించుకునేలా ఘాటైన సన్నివేశాలు ఉంటాయట. అయితే మరీ ఘాటు ఎక్కువైతే సెన్సార్ వాళ్లు అభ్యంతరం చెప్పరా? అన్న ప్రశ్నలు కూడా వ్యక్తమవుతున్నాయి.

'కుమారి 21ఎఫ్'లో:

21ఎఫ్ సినిమాలో మోడల్ పాత్రలో అటు ఎక్స్ పోజింగ్, ఇటు బోల్డ్ నెస్ రెండు విషయాల్లోనూ హెబ్బా పటేల్ ఎక్కడా తగ్గలేదు. ఇప్పుడు '24కిసెస్'లోనూ హెబ్బా అదే స్థాయిలో రెచ్చిపోతుందనుకుంటున్నారు. చైల్డ్ ఆర్టిస్ట్ నుంచి హీరోగా ఎదిగిన తేజ సజ్జా ఈ సినిమాలో హెబ్బా సరసన హీరోగా నటిస్తున్నాడు.

సందేశాత్మకంగా ఉంటుందా?

అయితే ఏదైనా ఒక పరిమితి వరకే బాగుంటుంది కానీ.. హద్దులు దాటితే కష్టమే. అయితే 'మిణుగురులు'లాంటి సినిమా తెరకెక్కించిన దర్శకుడు ఈ సినిమా తీస్తుండటంతో.. అంతర్లీనంగా మంచి సందేశం ఏమైనా యాడ్ చేస్తున్నాడేమో అన్న అభిప్రాయాలు కూడా వ్యక్తమవుతున్నాయి.