Don't Miss!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Technology Truecaller Spam Model స్పామ్ కాల్స్కు చెక్ పెట్టేందుకు ట్రూకాలర్ కొత్త టూల్ విడుదల..!
- Finance Jhunjhunwala News: కంపెనీలో 5 లక్షల షేర్లు కొన్న జున్జున్వాలా.. నష్టాల మార్కెట్లోనూ స్టాక్ ర్యాలీ..
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Sports అనూహ్య ఘటనను ఎదుర్కొన్న రోహిత్ శర్మ
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
నాగచైతన్య ‘హలో బ్రదర్’ రీమేక్
హైదరాబాద్: నాగార్జున కెరీర్లో చెప్పుకొదగ్గ హిట్ సినిమాల్లో 'హలో బ్రదర్' సినిమాది టాప్ ప్లేస్. నాగార్జున-ఈవివి సత్యనారాయణ కాంబినేషన్లో 1994లో వచ్చిన ఈ చిత్రం బాక్సాఫీసు వద్ద తన తడాఖా చూపించింది. నాగార్జున ద్విపాత్రాభినయం చేస్తూ దేవాగా దొంగ పాత్రలో, రాక్ స్టార్గా రవి పాత్రలో ఇటు క్లాస్, అటు మాస్ ప్రేక్షకులను అలరించాడు. నాగార్జున తన కెరీర్లో ద్విపాత్రాభినయం చేసిన తొలి సినిమా కూడా ఇదే.
తాజాగా 'హలో బ్రదర్' చిత్రాన్ని మళ్లీ తెలుగులో రీమేక్ చేయడానికి సన్నాహాలు జరుగుతున్నాయి. నాగార్జున సినీ వారసుడు నాగచైతన్య ఈ చిత్రంలో నటించబోతున్నాడు. తండ్రి లాగే నాగచైతన్య కూడా ఇదే చిత్రం రీమేక్లో తొలిసారిగా ద్విపాత్రాభినయం చేయబోతుండటం విశేషం.
నాగార్జున హీరోగా ఇటీవల డమరుకం చిత్రాన్ని రూపొందించిన శ్రీనివాసరెడ్డి ఈచిత్రానికి దర్శకత్వం వహించనున్నాడు. కామాక్షి మూవీస్ పతాకంపై డి. శివప్రసాద్ రెడ్డి ఈ చిత్రాన్ని నిర్మించబోతున్నారు. నాగచైతన్య చేయబోయే రెండు పాత్రలకు సమంత, తమన్నాలను హీరోయిన్లుగా తీసుకునే ఆలోచనలో ఉన్నారు.
ఇప్పటి ట్రెండుకు, నాగచైతన్య బాడీ లాంగ్వేజ్కు తగిన విధంగా స్ర్కిప్టులో మార్పులు, చేర్పులు చేస్తున్నాడు దర్శకుడు శ్రీనివాస్ రెడ్డి. అయితే ఈ సినిమాకు సంబంధించి అధికారిక సమాచారం వెలువడాల్సి ఉంది. మరి తండ్రి సినిమా రీమేక్ నాగచైతన్య కెరీర్ను మరింత బలంగా నిలబెడుతుందో లేదో చూడాలి. ప్రస్తుతం నాగచైతన్య దేవాకట్ట దర్వకత్వంలో ఆటో నగర్ సూర్య చిత్రం చేస్తున్న సంగతి తెలిసిందే.