గోపీచంద్ డబ్బు సీజ్?

By Staff

Published: Wednesday, April 8, 2009, 18:25 [IST]

ప్రముఖ హీరో గోపీచంద్ కి సంభందించిన ఏడు లక్షలు రూపాయలు పోలీసులు సీజ్ చేసారు. సార్వత్రిక ఎన్నికల సందర్భంగా సాగుతున్న సోదాల్లో భాగంగా దొరికిన ఈ సొమ్మ దొరికింది. గోపీచంద్ మేనేజర్ మహేందర్ రెడ్డి ఐ ఎన్ జి వైశ్యా బ్యాంక్(బంజారా హిల్స్) బ్రాంచి నుంచి డ్రా చేసుకుని వస్తూండగా ఈ సంఘటన చోటు చేసుకుంది. గోపీచంద్..జూబ్లీ హిల్స్ లో నివాశముంటున్నారు. ఆ రోడ్డులో ఎలక్షన్ కమీషన్ ఆదేశాలు మేరకు చురుగ్గా పోలీసులు సోదాలు నిర్వహిస్తున్నారు. అదే సమయంలో మహేందర్ ఈ డబ్బుతో చిక్కారు.

ఆ డబ్బుని స్కూటర్ డిక్కీలో పెట్టుకుని రోడ్డు నెంబర్ 14 నుంచి వెళ్తూండగా పట్టుకున్నారు. దేనికి ఉపయోగిస్తారనేది తనకు తెలియదని గోపీచంద్ తెమ్మంటే డ్రా చేసి పట్టుకెళ్తున్నానని అతను చెప్పుకున్నా ఫలితం లేకపోయింది. ఆ డబ్బుని సీజ్ చేసి ఎంక్వైరీ జరుపుతున్నారు. గోపీచంద్..తన మిత్రుడు విష్ణు వర్ధన్ రెడ్డి తరుపున ప్రచారం చేస్తారు..అనే సందేహాలు ఉండటం వల్ల డబ్బు దుర్వినియోగం అయ్యే అవకాశముందని సీజ్ చేసి ఉంటారని ఫిల్మ్ సర్కిల్స్ లో వినపడుతోంది. ఇక ఈ విషయమై దర్యాప్తు చేస్తున్నామని పోలీసులు చెప్పారు. గోపీచంద్ మాత్రం ఇప్పటి వరకూ ఏ కామెంట్ చెయ్యలేదు.

More from Filmibeat