Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
మహేష్ గ్రేట్... ఇంకో సినిమాకు సబ్జెక్టు రెడీ: దిల్ రాజు
హైదరాబాద్: నిర్మాత దిల్ రాజు హీరో మహేష్ బాబుపై పొగడ్తల వర్షం కురిపించారు. ఆగస్టు 9న మహేష్ బాబు పుట్టిన రోజును పురస్కరించుకుని 'సీతమ్మ వాకిట్లో సిరిమల్లె చెట్టు' ఫస్ట్ లుక్ పోస్టర్ రిలీజ్ చేసిన సంద్భంగా ఆయన మహేష్ గురించి తన అభిప్రాయం వెల్లడించారు. మహేష్ బాబు గ్రేట్ హీరో. ఆయనతో వర్క్ చెయ్యడం చాలా ఆనందంగా ఉంది. ఈ సినిమా నిర్మాణంలో ఉండగానే ఇంకో సినిమా చెయ్యడానికి సబ్జెక్టు రెడీ చేస్తున్నామంటే ఎంత హ్యాపీగా ఉన్నామో మీరే ఊహించుకోండి. నిర్మాతల శ్రేయస్సు కోరే మహేష్ నిండు నూరేళ్లు ఇలాంటి పుట్టిన రోజులు జరుపుకోవాలని కోరుకుంటూ మా హీరో విక్టరీ వెంకటేష్ తరుపున, మా సంస్థ తరుపున జన్మదిన శుభాకాంక్షలు తెలియజేస్తున్నామన్నారు.
కో ప్రొడ్యూసర్స్ శిరీష్, లక్ష్మణ్ మాట్లాడుతూ...సూపర్ స్టార్ మహేష్ చేసిన 'పోకిరి' మా డిస్ట్రిబ్యూషన్ ద్వారా నైజాంలో రిలీజ్ చేసాం. ఆ చిత్రం ఎన్ని రికార్డులు సృష్టించిందో అందరికీ తెలుసు. మహేష్ గారితో మా శ్రీ వెంకటేశ్వర క్రియేషన్స్ బేనర్లో 'సీతమ్మ వాకిట్లో సిరిమల్లె చెట్టు' చిత్రం చెయ్యడం, మా షూటింగ్ షెడ్యూల్లో మహేష్ బర్త్ డే సెలబ్రేట్ చేసుకోవడం చాలా హ్యాపీగా ఉంది. ఈచిత్రం చివరి షెడ్యూల్ ఆగస్టు 10 నుంచి సినిమా పూర్తయ్యే వరకు ఏకధాటిగా జరుగుతుంది. సూపర్ స్టార్ మహేష్ కు బర్త్ డే విషెస్ తెలియజేస్తూ ఆయన మరిన్ని చిత్రాలు మా బేనర్లో చేయాలని కోరుకుంటున్నామని అన్నారు.
సమంత, అంజలి, ప్రకాష్ రాజ్, జయసుధ, రోహిణి హట్టంగడి, రావు రమేష్, ఆహుతి ప్రసాద్, బ్రహ్మానందం, రమాప్రభ, తనికెళ్ల భరణి, కోట శ్రీనివాసరావు, రవిబాబు తదితరులు నటిస్తున్న ఈచిత్రానికి సంగీతం: మిక్కీ జె. మేయర్, కెమెరా: కె.వి.గుహన్, కళ: ఎ.ఎస్. ప్రకాష్, ఎడిటింగ్: మార్తాండ్ కె. వెంకటేష్, సహ నిర్మాతలు: శిరీష్, లక్ష్మణ్, నిర్మాత: దిల్ రాజు, కథ- స్క్రీన్ ప్లే- మాటలు- దర్శకత్వం: శ్రీకాంత్ అడ్డాల.