Nagarjuna: నాగార్జున 'కూలి' క్రేజీ యాక్షన్ సీన్ లీక్.. కంగుతిన్న మూవీ మేకర్స్..

Nagarjuna Coolie: తమిళ సూపర్ స్టార్ రజనీకాంత్ హీరోగా నటిస్తున్న కూలీ సినిమాలో టాలీవుడ్ కింగ్ నాగార్జున కీలకపాత్రను పోషిస్తున్న విషయం తెలిసిందే. మూవీ యూనిట్ ఈ విషయన్ని కింగ్ నాగార్జున పుట్టిన రోజు సందర్భంగా అఫీషియల్ గా ప్రకటించారు. అలాగే.. కూలీ నుంచి నాగ్ పోస్టర్ ను రిలీజ్ చేశారు మేకర్స్. ఈ చిత్రానికి దర్శకుడు లోకేష్ కనగరాజ్ దర్శకత్వం వహిస్తున్నారు. గతంలో ఈ సినిమా పోస్టర్, టైటిల్ టీజర్ విడుదల చేశారు. తాజా మరో మూవీకి సంబంధించిన ఓ ఇంట్రెస్టింగ్ వీడియో లీక్ అయ్యింది. అందులో మన కింగ్ నాగార్జున మాస్ యాక్షన్ సీన్. మీరు కూడా ఓ లూక్కేయండి బాస్..

కోలీవుడ్ స్టార్ అండ్ సెన్సెషనల్ డైరెక్టర్ లోకేష్ కనగరాజ్ దర్శకత్వంలో భారీ యాక్షన్ ఎంటర్టైనర్ కూలీ. ఈ మూవీలో సూపర్ స్టార్ రజినీకాంత్ హీరోగా నటిస్తున్నారు. ఈ భారీ బడ్జెట్ మూవీని సన్ పిక్చర్స్ నిర్మిస్తోంది. ఇక యాక్షన్ ఎంటర్టైనర్ గా వస్తున్న ఈ మూవీ లో కన్నడ స్టార్ ఉపేంద్ర, స్టార్ హీరోయిన్ శృతి హాసన్, షౌబిన్ షాహిర్ తో పాటు టాలీవుడ్ టాప్ హీరో నాగార్జున కూడా కీలకపాత్రను పోషిస్తున్నారు. ఈ మల్టీ స్టారర్ మూవీలో కింగ్ నాగర్జున 'సైమన్' అనే పాత్రలో కనిపించబోతున్నారు.

తొలి సారి టాలీవుడ్ మన్మధుడు నెగిటివ్ షేడ్ లో కనిపించనున్నరని అఫీషియల్ గా అనౌన్స్ చేసి సినిమాపై భారీ గా అంచనాలు పెరిగాయి. అంతే కాకుండా ఈ మూవీ కోసం నాగ్ ఏకంగా 40 కోట్ల పారితోషికం తీసుకుంటున్నాడనే రూమర్లు వైరల్ అవుతున్నాయి. ఇకపోతే.. ప్రస్తుతం ఈ మూవీ షూటింగ్ శరవేగంగా జరుగుతోంది. గత రెండు రోజుల కిత్రం ఈ మూవీ షూటింగ్ విశాఖ పోర్టు ప్రాంతంలో జరిగినట్టు వార్తలు వచ్చిన విషయం తెలిసిందే.. ఈ ప్రాంతంలో యాక్షన్ సీన్స్ షూట్ చేస్తున్నారు. అందులోనూ నాగార్జున పై యాక్షన్ సీన్స్ షూట్ చేస్తున్నారు. ఈ క్రమంలో కింగ్ నాగార్జున ఫైట్ చేస్తున్న సీన్ కు సంబంధించిన వీడియో ఒకటి లీకయింది. ప్రస్తుతం ఈ వీడియో సోషల్ మీడియాలో తెగ వైరలవుతోంది.

సోషల్ మీడియాలో చక్కర్లు కొడుతున్న ఆ వీడియోలో.. నాగార్జున చుట్టూ వందల మంది ఉండగా ఓ వ్యక్తిని పట్టుకుని క్రూరంగా కొడుతున్నట్టు కనిపించారు. ఈ సమయంలో తమిళ్ లో డైలాగ్ చెబుతున్నట్టు కనిపించారు.ఈ వీడియో చూసిన నెట్టిజన్లు తమకు నచ్చిన రీతిలో కామెంట్స్ చేస్తున్నారు. విక్రమ్​ సినిమాలో సూర్య రోలెక్స్​ లాగాే.. కింగ్ నాగ్ క్యారెక్టర్ ఉండబోతుందని కామెంట్స్ చేస్తున్నారు. కింగ్ నాగ్ యాక్షన్ సీన్ తెగ వైరల్ కావడంతో ఈ మల్టీ సార్ట్ మూవీ పక్కా రూ.1000 కోట్లు కలెక్షన్స్ చేస్తుందంటూ కామెంట్స్ పెడుతున్నారు.

ఈ యాక్షన్ మూవీకి యంగ్ అనిరుధ్ రవిచందర్ మ్యూజిక్ అందిస్తున్నారు. ఏదేమైనా ఈ లీకైన వీడియో మాత్రం మూవీ మేకర్స్ కు షాక్ కు గురి చేస్తుంది. ప్రస్తుతం ఈ కూలీ మూవీ షూటింగ్ విశాఖపట్నంలో జరుగుతుండగా.. షూటింగ్ కు సమీపంలో భారీ ప్రమాదం జరిగిందని, అదృష్టవశాత్తు ఎవరూ ప్రమాదంలో గాయపడలేదని వార్తలు వచ్చిన విషయం తెలిసిందే.