వాళ్లను ఎదురు చూసేలా చేయడం ఇష్టం లేక: నాని సర్‌ప్రైజ్

బోగి రోజు సినిమా ఫస్ట్ లుక్

భోగి రోజు ఈ సినిమా ఫస్ట్‌లుక్‌ను నాని ట్విటర్‌ ద్వారా అభిమానులతో పంచుకున్నారు. ఫస్ట్‌లుక్‌లో నాని కోపంగా చూస్తూ కన్పించారు. మేర్లపాక గాంధీ ఈ సినిమాకు దర్శకత్వం వహిస్తున్నారు. అనుపమ పరమేశ్వరన్, రుక్సర్‌ హీరోయిన్లు.

ట్విట్టర్ వేదికగా

వేసవిలో సినిమాను ప్రేక్షకుల ముందుకు తీసుకురావడానికి సన్నాహాలు చేస్తున్నారు. శనివారం ట్విటర్‌ వేదికగా ఈ సినిమాకు సంబంధించిన కీలక ప్రకటన చేశారు. అందరికీ నూతన సంవత్సర శుభాకాంక్షలు అని, ఎంసీఏను పెద్ద సక్సెస్‌ చేసినందుకు ధన్యవాదాలు అని పేర్కొన్నారు.

ఫస్ట్ లుక్, అలా అనిపించింది

మామూలుగా ఓ సినిమా విడుదలకు దాదాపు నెల రోజులు ముందుగా ఫస్ట్‌లుక్‌, ఫస్ట్‌ సాంగ్‌ విడుదల చేస్తుంటామని, తాము ముందే ఆ పాటను చూస్తుంటామని, ఫస్ట్‌లుక్‌ కూడా సిద్ధమైపోయి ఉంటుందని, ఇదంతా ఎవరి కోసం చేస్తున్నామో.. వాళ్లని చివరి వరకు ఎందుకు ఎదురుచూసేలా చేయడమని తనకు మొన్న అనిపించిందని పేర్కొన్నాడు.

Recommended Video

Nani increased His Remuneration Salary got Doubled

పెద్ద పండుగ సంక్రాంతి

మనకు అన్నింటి కన్నా పెద్ద పండుగ సంక్రాంతి అని, భోగి రోజున కృష్ణ, సంక్రాంతి రోజున అర్జున్‌ ఫస్ట్‌లుక్‌లను, కనుమ రోజు సినిమాలోని ఫస్ట్‌సాంగ్‌ను మీరు చూడబోతున్నారని, మీ అందరికీ నచ్చుతాయని ఆశిస్తున్నానని, అందరికీ సంక్రాంతి శుభాకాంక్షలని పేర్కొన్నారు.