Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
హీరో నితిన్ అకౌంట్ క్లోజ్, కారణమేంటి?
హైదరాబాద్: పలువురు తెలుగు సినిమా సెలబ్రిటీలు ఫేస్ బుక్, ట్విట్టర్ లాంటి సోషల్ నెట్వర్కింగ్ సైట్లలో చేరి అభిమానులకు దగ్గరడం, ఫాలోయింగ్ పెంచుకోవడం, తమ సినిమాల మార్కెట్ పెంచుకోవడం చూస్తూనే ఉన్నాం. కారణమేంటో తెలియదు కానీ ఉన్నట్టుండి సోషల్ నెట్వర్కింగులో తమ అకౌంట్లు క్లోజ్ చేసి అభిమానులను నిరాశ పరుస్తున్నారు.
గతంలో మెగా పవర్ స్టార్ రామ్ చరణ్తో, కొందరు హీరోలు, హీరోయిన్లు ఇలానే చేసారు. తాజాగా యంగ్ హీరో నితిన్ కూడా ఈ జాబితాలో చేరాడు. తన ట్విట్టర్ అకౌంట్ క్లోజ్ చేసాడు. అయితే త్వరలోనే మళ్లీ ట్విట్టర్లోకి తిరిగి వస్తానని ప్రామిస్ చేసాడు నితిన్. నితిన్ ట్విట్టర్ అకౌండ్ హ్యాక్ కావడమే ఈ పరిణామాలకు కారణం. ప్రస్తుతం నితిన్ పూరి జగన్నాథ్ దర్శకత్వంలో 'హార్ట్ ఎటాక్' చిత్రంలో నటిస్తున్నాడు.
ఈ చిత్రంలో నితిన్ డిఫరెంటు లుక్ తో కనిపించబోతున్నాడు. ప్రస్తుతం ఈచిత్రం చిత్రీకరణ చివరి దశకు చేరుకుంది. ఇటీవలే చిత్ర యూనిట్ సభ్యులు యూరఫ్లో లాంగ్ షెడ్యూల్ షూటింగ్ పూర్తి చేసుకుని హైదరాబాద్ తిరిగొచ్చారు. సినిమాలోని ఎక్కువ భాగం యూరఫ్లోనే చిత్రీకరించారు. ప్రస్తుతం మిగిలిన భాగాన్ని హైదరాబాద్లో చిత్రీకరించేందుకు ఈ రోజు షూటింగ్ మొదలు పెట్టారు. ఈ చిత్రంలో నితిన్ సరసన ఆదా శర్మ హీరోయిన్గా చేస్తోంది. వైష్ణో అకాడమీ పతాకంపై స్వీయ నిర్మాణ దర్శకత్వంలో ఈచిత్రాన్ని పూరి జగన్నాథ్ తెరకెక్కిస్తున్నారు.
స్టార్ కమెడియన్ బ్రహ్మానందం ఈ సినిమాలో ఓ ముఖ్యమైన పాత్ర పోషిస్తున్నారు. అనూప్ రూబెన్స్ ఈచిత్రానికి సంగీతం అందిస్తున్నారు. పూరి దర్శకత్వం కావడంతో నితిన్ను మరో మెట్టు పైకి తీసుకెళ్లే విధంగా సినిమా ఉండనుందని స్పష్టం అవుతోంది. సాధారణంగా పూరి సినిమాలోని హీరోలకు అమ్మాయిలను ఆటపట్టించే బిహేవియర్ ఉంటుంది. రోమియోలుగా, జులాయిగా కనిస్తారు. ఈ చిత్రంలో నితిన్ లుక్ చూస్తుంటే కూడా అలానే అనిపిస్తోంది.
నితిన్ ఈ సినిమాపై ఎంతో సంతోషంగా, నమ్మకంగా ఉన్నాడు. పూరి జగన్నాథ్ దర్శకత్వంలో నటించాలనే కోరిక ఎప్పటి నుండో ఉంది. ఇప్పటికి ఆ కోరిక నెరవేరబోతోంది. పూరిగారు కథ చెప్పగానే ఎప్పుడెప్పుడు ఈ షూటింగ్ మొదలవుతుందా అని ఆసక్తి నాలో మొదలైంది. ఈ సినిమా నా కెరీర్కు ఎంత ముఖ్యమైనదిగా భావిస్తున్నానని అంటున్నాడు నితిన్. మాస్, క్లాస్ అంశాలు మేళవించిన ప్రేమ కథ ఇది. నితిన్ గెటప్, ఆయన పాత్ర చిత్రణ ఆకట్టుకొంటాయి. స్పెయిన్లో చిత్రీకరించిన సన్నివేశాలు ఆకర్షణగా నిలుస్తాయి. అనూప్ రూబెన్స్ అందించిన పాటలు యువతరాన్ని అలరించే విధంగా ఉండనున్నాయి.