హీరో రాజా కి పెళ్లి కుదిరింది..డిటేల్స్

By Srikanya

| Published: Sunday, January 26, 2014, 11:29 [IST]

హైదరాబాద్ :'ఆనంద్‌' చిత్రంతో ఆకట్టుకొన్న హీరో రాజా. ఇప్పుడో ఇంటివాడు కాబోతున్నాడు. చెన్నైకి చెందిన అమ్రితను ఆయన వివాహం చేసుకోబోతున్నారు. అమ్రిత ఓ లీడింగ్ బిజినెస్ మ్యాన్ కుమార్తె. చెన్నై లో వివాహం, హైదరాబాద్ లో రిసెప్షన్.

హీరో రాజా మాట్లాడుతూ... ''ఇది పెద్దల కుదిర్చిన సంబంధమే. మార్చి మొదటి వారంలో నిశ్చితార్థం. ఏప్రిల్‌లో పెళ్లి. ఈ శుభకార్యం చెన్నైలో జరుగుతుంది'' అన్నారు. ప్రస్తుతం 'పార్కింగ్‌' చిత్రంలో హీరోగా నటిస్తున్నారు. త్వరలో విడుదల కాబోతోంది.

శేఖర్ కమ్ముల ఆనంద్ చిత్రంలో ఒక్కసారిగా వెలుగులోకి వచ్చిన హీరో రాజా. ఆ చిత్రం తర్వాత దాదాపు ఓ పది చిత్రాల్లో నటించినా హిట్ రాలేదు.దాంతో వరస ప్లాపుల హీరోకు తెలుగు సినిమా బ్రేక్ ఇచ్చి ఇంట్లో కూర్చో పెట్టింది. దాంతో మరీ ఖాళీ పడిపోయామని గమనించిన రాజా ఆ మధ్య తన దృష్టిని తెలివిగా టీవీ యాంకరింగ్ వైపు తిప్పారు. అదీ కలిసి రాలేదు.

ఇక రాజా ఖాళీ పడటానికి కారణాలు అనేకం.ముఖ్యంగా సినిమాలు వరసగా ప్లాప్ అవటం కారణం. వీటితో పాటు సక్సెస్ రేటు లేకున్నా రెమ్యునేషన్ మాత్రం భారీగా అడగటం జరిగింది. మరో ప్రక్క శాటిలైట్ మార్కెట్ కూడా రాజా అస్సలు లేకుండా పోయింది. దాంతో రాజా అంటే ఏ దర్శకుడూ, నిర్మాత ధైర్యం చేయటం లేదు. పెళ్లితో చాలా మందికి దశ తిరుగుతుంది అంటారు. ఈ వివాహం తో అయినా రాజా కి కలిసి రావాలని కోరుకుందాం.

Comments

English summary

Finally hero Raja of Anand fame has decided to tie the knot. He is getting married to Chennai based girl Amrita. It is an arranged alliance. Amrita is daughter of a leading businessman in Chennai. Engagement ceremony will take place in the first week of March and wedding will happen in April in Chennai city. Reception will be held in Hyderabad.

Story first published: Sunday, January 26, 2014, 11:29 [IST]

Other articles published on Jan 26, 2014