Don't Miss!
- News ఎమ్మెల్యే రాజా సింగ్ పై కేసు నమోదు
- Sports PBKS vs MI: చరిత్ర సృష్టించిన రోహిత్ శర్మ!
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
హీరో రాజశేఖర్ ప్లాస్మా చికిత్స.. ఆరోగ్య పరిస్థితిపై వైద్యుల బులెటిన్ రిలీజ్
కరోనావైరస్ పాజిటివ్ బారిన పడిన హీరో రాజశేఖర్ ఆరోగ్య పరిస్థితి మెరుగు పడుతున్నట్టు సిటీ న్యూరో సెంటర్ వైద్యులు మంగళవారం బులెటిన్ రిలీజ్ చేశారు. ఆయన చికిత్సకు స్పందిస్తున్నారు. గతంలో కంటే ఇప్పుడు ఆరోగ్య పరిస్థితి మరింత మెరుగు పడిందని తాజా బులెటిన్లో పేర్కొన్నారు.
ఇంటెన్సివ్ కేర్ యూనిట్లో చికిత్స
తాజా బులెటిన్ ప్రకారం డాక్టర్ వీ రాజశేఖర్ తీవ్రమైన పరిస్థితుల్లో కోవిడ్ 19 పాజిటివ్తో సిటీ న్యూరో సెంటర్లో చేరారు. ఆయనకు ఇంటెన్సివ్ కేర్ యూనిట్లో చికిత్స జరుగుతున్నది. నాన్ ఇన్వాసివ్ వెంటిలేటర్ సపోర్ట్ను తొలగించాం. చికిత్సలో భాగంగా ఆయనకు ప్లాస్మా థెరపీత, సైటోసోర్బ్ డివైస్ థెరపీని అందించాం అని వైద్యులు తమ బులెటిన్లో వెల్లడించారు.
చికిత్సకు స్పందిస్తున్నారు
ప్రస్తుతం ఆయన ఆరోగ్య పరిస్థితి మరింత మెరుగుపడింది. చికిత్సకు స్పందిస్తున్నారు. వైద్యుల పర్యవేక్షణలో ఆయనకు చికిత్స జరుగుతున్నది అని సినీ న్యూరో సెంటర్కు చెందిన మెడికల్ డైరెక్టర్ డాక్టర్ రత్న కిషోర్ తెలిపారు. త్వరలోనే ఆయన కోలుకొని సంపూర్ణ ఆరోగ్యంతో తిరిగి వస్తారని పేర్కొన్నారు.
తన కుటుంబ సభ్యులకు కరోనా అంటూ రాజశేఖర్ ట్వీట్
కొద్ది రోజుల క్రితం తాను, తన కుటుంబ సభ్యుందరికి కరోనావైరస్ పాజిటివ్ అని తేలింది. ప్రస్తుతం హాస్పిటల్లో చేరి చికిత్స పొందుతున్నాం. పిల్లల పరిస్థితి బాగుంది. నేను జీవిత ఇంకా చికిత్స పొందుతూనే ఉన్నాం అని రాజశేఖర్ పేర్కొన్నారు. దాంతో సినీ ప్రముఖులు, అభిమానులు ఆయన సంపూర్ణ ఆరోగ్యం కోసం ప్రార్థించారు.
Recommended Video
మెగాస్టార్ చిరంజీవి ట్వీట్తో పరామర్శ
అయితే హీరో రాజశేఖర్ ఆరోగ్యంపై ఆందోళన వ్యక్తం చేస్తూ తన కుమార్తె శివాత్మిక రాజశేఖర్ ట్వీట్ చేయడం అభిమానులను, సినీ ప్రముఖులను షాక్కు గురిచేసింది. ఆ తర్వాత తన తండ్రి ఆరోగ్యం బాగానే ఉంది. త్వరగా బయటకు రావాలని మీరు ప్రార్థన చేయండి అని శివాత్మిక మరో ట్వీట్ చేశారు. ఇదిలా ఉండగా, మెగాస్టార్ చిరంజీవి తన స్నేహితుడు రాజశేఖర్ త్వరగా కోలుకోవాలని ట్వీట్ చేశారు. స్వయంగా వైద్యులతో మాట్లాడి తగిన చొరవ తీసుకొన్నారనే వార్తలు మీడియాలో వచ్చాయి.