రవితేజ విన్నపం

రవితేజ, ఇలియానా కాంబినేషన్లో సురేంద్రరెడ్డి రూపొందించిన కిక్ చిత్రం అందరికీ కిక్ ఇస్తూ ముందుకు దూసుకుపోతున్న సంగతి తెలిసిందే. ఈ కిక్ హిట్ గురించి రవితేజ మట్లాడుతూ..ఈ చిత్రం సక్సెస్‌ ను నేనే కాదు అందరూ బాగా ఎంజాయ్‌ చేస్తున్నారు. కాకపోతే అందరికీ ఒక విన్నపం.. పైరసీ సిడిల్లో సినిమా చూడవద్దు. ఏ సినిమా అయినా థియేటర్‌లో చూస్తేనే మంచి 'కిక్‌" ఉంటుందన్నారు.

ఇక కిక్ లో తనకు నచ్చిన అంశం గురించి చెబుతూ కోరికలు అనంతం..ఒకటి తీరితే మరోటి పుడుతూనే ఉంటుంది. కాని ఎదుటివారి కలను నిజం చేయడానికి మనం సహాయపడినపుడు అతను పడే ఆనందంలో వున్న 'కిక్‌" మరెందులోను రాదు. ఆ పాయింటే నాకు బాగా నచ్చింది. అదే ఈ సినిమాకు ఇన్‌ స్పిరేషన్‌ కూడా అన్నారు.

అలాగే తన సినిమాలో వినోదం కు పెద్ద పీట వేయటం గురించి మాట్లాడుతూ..నా సినిమాల్లో తప్పనిసరిగా వినోదం ఉంటుంది. సినిమా అన్నదే వినోదం కోసం అటువంటప్పడు అదే మిస్‌ అయితే ప్రేక్షకుడు నిరాశచెందుతాడు. అది నాకు ఇష్టం ఉండదు. ప్రయోగాల జోలికి వెళ్లను. వినోదమే నాకు ప్రధానం. 'విక్రమార్కుడు" చిత్రంలో విక్రమ్‌ సింగ్‌ రాథోడ్‌ లాంటి సీరియస్‌ క్యారెక్టర్‌ చేస్తూనే అత్తిలి సత్తిబాబు పాత్ర ద్వారా వినోదం మిస్‌ కాకుండా చేసాం అన్నారు.