స్టేజిపై డ్యూయెల్ రోల్.. మహేష్‌కి రావడం కుదర్లేదు.. మళ్లీ అదే డైలాగ్ కొట్టిన సుధీర్ బాబు!

డ్యూయెల్ రోల్

తాను ఇప్పుడు సుధేర్ బాబుని కాదని.. సుధీర్ బాబు అనే నిర్మాతని అంటూ ప్రసంగించారు. నేను మాట్లాడిన తరువాతే మా హీరో సుధీర్ బాబు మాట్లాడతాడని నవ్వులు పూయించారు. ఈ చిత్రం తరువాత చాలా మంది నిర్మాతలు హీరోయిన్ నంబర్ కోసం నా మేనేజర్ కు ఫోన్ చేస్తారని నభా నటేష్ గురించి తెలిపాడు.

చాలా కష్టం

నిర్మాతగా మాట్లాడిన తరువాత హీరోగా కూడా సుధీర్ బాబు మాట్లాడాడు. అటు నిర్మాతగా, హీరోగా రెండు పనులు ఒకేసారి చేయడం ఎంత కష్టమో వివరించేందుకే ఇలా చేసానని తెలిపాడు. ఎంతకష్టమైనా ఈ పనిని తాను ఇష్టపడి చేశానని సుధీర్ బాబు తెలిపాడు.

హిట్ ఖాయం

సినిమా చాలా బాగా వచ్చిందని తప్పకుండా హిట్ అవుతుందనే ధీమా ఉందని సుధీర్ తెలిపాడు. ఈ వేడుకకు సూపర్ స్టార్ మహేష్ ఫాన్స్ కూడా వచ్చారు. నాకు ప్రతి విషయంలో మీరు సపోర్ట్ అందిస్తున్నారు. ఈ మద్దత్తుతోనే ఈ చిత్రాన్ని నిర్మించానని, సినిమా చూసి నచ్చితే మీ ఫ్రెండ్స్ కు కూడా చెప్పాలని కోరాడు.

మహేష్‌ని ప్రతిసారి

మహేష్ కి రావడం కుదరలేదు. ప్రతిసారి ఇబ్బంది పెడితే బాగోదు కదా అని సుధీర్ బాబు తెలిపాడు. సమ్మోహనం చిత్ర ప్రీ రిలీజ్ ఈవెంట్ లో చెప్పిన డైలాగ్ ని సుధీర్ బాబు మళ్ళీ చెప్పాడు. ఈ చిత్రాన్ని పైరసీలో చూసి ఆ మిగిలిన డబ్బులతో ఏదైనా తింటే మీకు అరగదు అంటూ పైరసీలో సినిమా చూడొద్దని కోరాడు.