హీరో సుమంత్ అశ్విన్ పెళ్లి.. లవ్ ఎట్ ఫస్ట్ సైట్.. వధువు ఎవరో తెలుసా?

లవ్‌లో సుమంత్ అశ్విన్, దీపిక

సుమంత్ అశ్విన్, దీపికా రాజు గత కొద్దికాలంగా ప్రేమించుకొంటున్నారు. వారి ప్రేమకు కుటుంబ సభ్యులు ఆమోదం తెలియజేయడంతో మ్యారేజ్‌కు లైన్ క్లియర్ అయింది. దాంతో వారి పెళ్లిని ఫిబ్రవరి 13వ తేదీ రాత్రి నిర్వహించారు. పెళ్లి తర్వాత మొదటి రోజు వాలంటైన్ కావడంతో వధూవరులు ఆ పండుగను సెలబ్రేట్ చేసుకొన్నట్టు తెలిసింది.

నిరాడంబరంగా సుమంత్ పెళ్లి

యువ హీరో సుమంత్ అశ్విన్‌, దీపికా రాజు పెళ్లి హైదరాబాద్ నగర శివారులోని ఓ ఫామ్‌హౌస్‌లో జరిగింది. పెళ్లికి హాజరైన 100 మంది అతిథులు నూతన దంపతులను శతమానం భవతి అంటూ ఆశీర్వదించారు. ఈ వివాహానికి సినీ రంగానికి చెందిన అతికొద్ది మాత్రమే హాజరైనట్టు సమాచారం.

జీవిత భాగస్వామి లభించడం

తన పెళ్లి తర్వాత సుమంత్ అశ్విన్ మీడియాతో మాట్లాడుతూ.. లైఫ్‌లోకి మంచి జీవిత భాగస్వామి లభించడం గొప్ప అనుభూతి. కొత్త జీవితాన్ని ప్రారంభించడం మరింత ఆనందంగా ఉంది. భవిష్యత్‌తో దీపికతో పంచుకొనే జీవితం గురించి ఆసక్తిగా ఉంది అని సుమంత్ తెలిపారు.

తొలి చూపులోనే ప్రేమలో పడ్డ సుమంత్

దీపికతో పరిచయం, ప్రేమ, పెళ్లి గురించి సుమంత్ అశ్విన్ ఆసక్తికరమైన విషయాలు వెల్లడించారు. గతేడాది నా కజిన్ తన సోదరిని వివాహం చేసుకొన్నారు. ఆ పెళ్లికి నేను వెళ్లాను. ఆ పెళ్లిలోనే దీపిక నాకు పరిచయం అయింది. అప్పటి నుంచి మా మధ్య మంచి అనుబంధం ఏర్పడింది అని సుమంత్ తెలిపారు.

అమెరికాలో సైంటిస్ట్‌గా దీపికా రాజు

ఇక దీపిక రాజు విషయానికి వస్తే.. ఆంధ్ర ప్రదేశ్‌లోని పశ్చిమ గోదావరి జిల్లాకు చెందిన వారు. అమెరికాలో ఉన్నత విద్యను అభ్యసించిన ఆమె డల్లాస్‌లో స్థిరపడ్డారు. ప్రస్తుతం దీపిక సైటింస్ట్‌గా పనిచేస్తున్నారు.