హీరో సునీల్ వీర్యం దానం చేయబోతున్నాడా?

By Bojja Kumar

| Published: Monday, September 16, 2013, 12:57 [IST]

హైదరాబాద్ : టాలీవుడ్ దర్శకుడు మధుర శ్రీధర్ వీర్యదాత కోసం ఎదురు చూస్తున్నారు. అయితే ఈ విషయాన్ని మరో రకంగా అర్థం చేసుకోవద్దు సుమీ. ఆయన వీర్యదాత పాత్రకు సరిపోయే పర్ ఫెక్ట్ హీరో కోసం ఎదురు చూస్తున్నారు. హిందీలో మంచి విజయం సాధించిన ఆయుష్మాన్ ఖురానా నటించని 'వికీ డోనర్' చిత్రాన్ని తెలుగులో రీమేక్ చేసేందుకు ప్లాన్ చేస్తున్నారు. వీర్యం దానం చేసే ఓ వ్యక్తి కథ ఈ మూవీ.

దాదాపు సంవత్సరం తర్వాత మధుర శ్రీధర్ ఈ ప్రాజెక్టు గురించి ప్రకటించారు. సినిమా చిత్రీకరణకు అంతా సిద్ధమైందని, అయితే కథకు సరిపోయే కథానాయకుడు దొరకడం లేదని అంటున్నాడు మధుర్ శ్రీధర్. త్వరలోనే సబ్జెక్టుకు సూటయ్యే హీరోను వెతికి పట్టుకుంటానంటున్నాడు.

గతంలో ఈచిత్రం కోసం మధుర శ్రీధర్ హీరో నానిని సంప్రదించాడు. అయితే నాని బ్యాండ్ బాజా భారత్, జెండాపై కపిరాజు చిత్రాలతో బిజీగా ఉండటంతో హీరో రానాతో ఈచిత్రం చేయాలనుకున్నాడు. అయితే రానా కూడా రుద్రమదేవి, బాహుబలి చిత్రాలతో బిజీగా ఉండటంతో కుదరదనిచెప్పాడు. ప్రిన్స్ తో చేయబోతున్నట్లు కూడా వార్తలు వినిపించాయి కానీ...వర్కౌట్ కాలేదు.

తాజాగా అందుతున్న సమాచారం ప్రకారం మధుర శ్రీధర్ కన్ను కమెడియన్ నుంచి హీరోగా మారిన సునీల్‌పై పడిందని, అతన్నే ఫైనల్ చేసే ఆలోచనలో ఉన్నాడని టాక్. సునీల్ కూడా ఈ పాత్ర చేయడానికి సిద్ధంగా ఉన్నాడని, త్వరలోనే ఈ సినిమా విషయమై అఫీషియల్ అనౌన్స్‌మెంట్ వెలువడే అవకాశం ఉందని తెలుస్తోంది.

Comments

English summary

Director Madhura Sreedhar is looking for a sperm donor. Don't mistake me. He is in search of a suitable hero for his upcoming Telugu movie, which will be a remake of Ayushmann Khurrana's hit Hindi film Vicky Donor. Almost a year has passed after the director announced the project.

Story first published: Monday, September 16, 2013, 12:57 [IST]

Other articles published on Sep 16, 2013