ప్రభాస్ ఇంటిని కూల్చొద్దు.. కాస్త ఊరట.. ఇంకా వీడని చిక్కుముడి!

ప్రభుత్వ భూమిలో

హైదరాబాద్ లోని రాయదుర్గం సమీపంలో సర్వే నెం 46లో గల 80 ఎకరాలు ప్రభుత్వ భూమి అంటూ ఇటీవల సుప్రీం కోర్టు ఆదేశాలు జారీ చేసింది. అదే ప్రాంతంలో ప్రభాస్ ఇల్లు కూడా ఉంది. ఆ ప్రాంతంలో ఉన్న కట్టడాలని కూల్చేయమని ఇటీవల తహసీల్దారు ఆదేశాలు జరీ చేశారు. దీనితో ప్రభాస్ కోర్టుని ఆశ్రయించాడు.

ఎలాంటి నోటీసులు లేకుండా

తనకు ఎలాంటి నోటీసులు జారీ చేయకుండా ఇంటిని కూల్చేయమని ఎలా ఆదేశాలు జారీ చేస్తారు అంటూ ప్రభాస్ ఫిటిషన్ లో పేర్కొన్నాడు. ప్రభుత్వం ప్రభాస్ ఇంటిని సీజ్ చేసింది. దీనిపై హై కోర్టులో నేడు విచారణ జరిపింది. తదుపరి విచారణని డిసెంబర్ 31కి వాయిదా వేసింది. అప్పటివరకు కట్టడాలు ప్రభాస్ ఇంటిని కూల్చకుండా యధాస్థితిని కొనసాగించాలని కోర్టు ఆదేశించింది.

గెస్ట్ హౌజ్ సీజ్: హైకోర్టును ఆశ్రయించిన హీరో ప్రభాస్‌

కౌంటర్ దాఖలు చేయాలి

అదే విధంగా ఈ నెల 24న ప్రభాస్ పిటిషన్ పై తెలంగాణ ప్రభుత్వం కౌంటర్ దాఖలు చేయాలని హైకోర్టు ఆదేశించింది. ప్రభుత్వం తరుపున న్యాయవాది మాట్లాడుతూ తాము ప్రభాస్ ఇంటిని కూల్చలేదని, కేవలం సీజ్ మాత్రమే చేసాం అని కోర్టుకి వివరించారు. ప్రభాస్ ఇల్లు వివాదంలో ఉండడంతో ఈ వార్త హాట్ టాపిక్ గా మారింది.

క్రేజీ చిత్రాలతో

ఇదిలా ఉండగా ప్రభాస్ ప్రస్తుతం సాహో చిత్రంలో నటిస్తున్నాడు. ఈ చిత్రం 200 కోట్ల భారీ బడ్జెట్ లో తెరకెక్కుతున్న సంగతి తెలిసిందే. శ్రద్దా కపూర్ ఈ చిత్రంలో హీరోయిన్. సుజిత్ ఈ చిత్రాన్ని కళ్ళు చెదిరే యాక్షన్ చిత్రంగా తెరకెక్కిస్తున్నాడు. మరోవైపు రాధాకృష్ణ దర్శకత్వంలో కూడా ప్రభాస్నటిస్తున్నాడు. 1960 నాటి పరిస్థితుల నేపథ్యంలో ఈ చిత్రం తెరకెక్కుతోంది.