కాపురం కూల్చిన కిస్ సీన్

By Staff

Published: Monday, May 18, 2009, 19:08 [IST]

మెక్సికో నటి బార్బారా మోరితో హృతిక్‌ నడుపుతున్న ప్రేమాయణాన్ని చూస్తూ జీర్ణించుకోలేక అతని సతీమణి సుజానే పుట్టింటికి వెళ్లిపోయిందనే వార్తలు వస్తున్నాయి. ఆ విధంగా హృతిక్‌ రోషన్‌ హీరోగా నటిస్తున్న 'కైట్స్‌" చిత్రంలోని 'కిస్‌" సీన్‌ క్రమంగా ప్రాచుర్యం పొందుతోంది. అనురాగ్‌ బసు దర్శకత్వంలో రూపొందుతున్న ఈ చిత్రానికి హృతిక్‌ తండ్రి రాకేష్‌ రోషన్‌ నిర్మిస్తుండడంతోపాటు, కథను కూడా అందిస్తున్నారు. ఈ ముద్దుకు మరింత ప్రాచుర్యం తెచ్చిపట్టేందుకు హృతిక్‌, కథానాయిక బార్బరా మోరి శక్తి వంచన లేకుండా ప్రయత్నం చేస్తున్నారు.

అందులో భాగంగా..ఆ ముద్దు సన్నివేశంలో పాల్గొన్నప్పటి తమ అనుభవాన్ని, అనుభూతిని మీడియాతో పంచుకుంటున్నారు. నేను ఆ సన్నివేశంలో నటించేందుకు కొంచెం బిడియపడుతుంటే బార్బరా నన్ను తప్పు పట్టింది.నువ్విలా బిడియాపడుతుంటే సన్నివేశంలో సహజత్వం కొరవడి కృత్రిమత్వం ఉట్టిపడుతుంది. నువ్వు నీ భార్యపై విపరీతంగా ప్రేమ కలిగినప్పుడు ఎలా ముద్దు పెట్టుకుంటావో..అలాగే ఈ సన్నివేశంలో నన్ను ముద్దు పెట్టుకో అని బార్బరా నన్ను చాలా ఉత్సాహపరిచింది అంటూ ఆ ముద్దు వెనుక ఉన్న కథాకమామీషు గురించి చెప్పుకొస్తు న్నాడు హృతిక్‌ రోషన్‌.అదీ కాపురం కూలుస్తున్న కిస్ సీన్.

More from Filmibeat