మరో పెళ్లికి సిద్దమవుతున్న హృతిక్ రోషన్ మాజీ భార్య!

By Bojja Kumar

Published: Tuesday, September 15, 2015, 11:35 [IST]

ముంబై: బాలీవుడ్ స్టార్ హృతిక్ రోషన్ మీద బాలీవుడ్ మీడియాలో గత కొంత కాలంగా రకరకాల వార్తలు ప్రచారంలోకి ఉన్నాయి. అతను ఎవరితో ప్రేమలో పడ్డాడు, ఎవరితో డేటింగ్, ఎవరిని పెళ్లి చేసుకోబోతున్నాడనే వార్తలు, ఊహాగానాలు హాట్ టాపిక్. కానీ వాస్తవంగా ఇపుడు మరో పెళ్లికి సిద్ధమవుతున్నది హృతిక్ రోషన్ కాదు, అతని మాజీ భార్య సుజానె అని అంటున్నారు.

హృతిక్ రోషన్-సుజానె విడాకులు ప్రపంచాన్ని షాక్ కు గురి చేసింది. ప్రేమ వివాహం చేసుకున్న ఈ జంట చాలా ఏళ్ల పాటు అన్యోన్యంగా కాపురం చేసారు. అసలు వీరు ఎందుకు విడిపోయారనే దానిపిై సరైన కారణం ఇప్పటి వరకు ఎవరికీ తెలియదు. వీరి విడాకులపై మీడియాలో రకరకాల కథనాలు వెలువడ్డాయి. మీడియా ప్రచారాన్ని పెద్దగా పట్టించుకోని హృతిక్ రోషన్ ఇటీవల ఓ ఇంటర్వ్యూలో స్పందిస్తూ... ప్రస్తుతం తాను సింగిల్ గానే ఉన్నాను. ఎవరితోనూ మింగిల్ కావడానికి సిద్ధంగా లేను అని స్పష్టం చేసాడు. కంగనా రనౌత్ తో హృతిక్ రోషన్ ఎఫైర్ నడుపుతున్నాడనే వార్తల నేపథ్యంలో ఆయన ఈ విధంగా రిప్లై ఇచ్చారు.

కాగా... హృతిక్ రోషన్ మాజీ భార్య సుజానె త్వరలో మరో పెళ్లి చేసుకోబోతున్నట్లు వార్తలు వస్తున్నాయి. అయితే ఆమె పెళ్లి చేసుకోబోయేది అర్జున్ రాంపాల్‌ను మాత్రం కాదట. ఎవరిని పెళ్లాడబోతోందనే విషయం ఇంకా సీక్రెట్ గానే ఉంది. ఆమె పెళ్లాడబోయే వ్యక్తి హృతిక్ రోషన్‌కు కూడా చాలా క్లోజే అని అంటున్నారు. త్వరలోనే అతను ఎవరో బయటకు రానుంది!