మహేషా మజాకా.. సూపర్ స్టార్ సినిమా ధర బాంబులా పేలింది, అక్కడే ఇలా ఉంటే!

రైతు సమస్యల నేపథ్యంలో

మహర్షి చిత్రంలో దర్శకుడు వంశీపైడిపల్లి రైతు సమస్యలని ప్రభావవంతంగా చూపించబోతున్నట్లు తెలుస్తోంది. హాస్య చిత్రాల హీరో అల్లరి నరేష్ ఈ చిత్రంలో మహేష్ స్నేహితుడిగా కనిపించబోతున్నాడు. మహేష్, అల్లరి నరేష్ మధ్యవచ్చే సన్నివేశాలపై అద్భుతంగా ఉండబోతున్నాయని సమాచారం.

వచ్చే వేసవికి

2019 వేసవికి మహర్షి చిత్రాన్ని విడుదల చేయాలని నిర్మాతలు భావిస్తున్నారు. ప్రముఖ నిర్మాతలు దిల్ రాజు, అశ్విని దత్ సంయుక్తంగా ఈ చిత్రాన్ని నిర్మిస్తుండడం విశేషం.

అప్పుడే ప్రీరిలీజ్ బిజినెస్

సూపర్ స్టార్ మహేష్ సినిమా హక్కులు దక్కించుకోవడానికి బయ్యర్లు కాచుకుని మరీ కూర్చుంటారు. ఇప్పుడు మహర్షి సినిమా విషయంలో కూడా అదే జరుగుతోంది. ఈ చిత్ర హిందీ శాటిలైట్ హక్కుల ధర బాంబులా పేలినట్లు ఇండస్ట్రీ వర్గాల సమాచారం. తెలుగు చిత్రాల హిందీ శాటిలైట్ హక్కులు ప్రస్తుతం మంచి డిమాండు ఉంది.

కళ్ళు చెదిరేలా

నిర్మాత దిల్ రాజు ఈ చిత్ర హిందీ శాటిలైట్ హక్కుల కోసం 25 కోట్ల భారీ మొత్తం డిమాండ్ చేస్తున్నట్లు తెలుస్తోంది. అంతమొత్తం చెల్లించేందుకు కూడా ప్రముఖ సంస్థలు ఆసక్తి చూపుతున్నట్లు తెలుస్తోంది. యూట్యూబ్ లో హిందీలో డబ్ అయిన తెలుగు చిత్రాలకు మిలియన్ల కొద్దీ వ్యూస్ వస్తున్న సంగతి తెలిసిందే.

రాంచరణ్ సినిమాని అధికమించేలా

రాంచరణ్ ప్రస్తుతం బోయపాటి దర్శత్వంలో నటిస్తున్నాడు. మాస్ ఎంటర్ టైనర్ గా ఈ చిత్రం రూపొందుతోంది. మాస్ చిత్రాలకు హిందీలో కూడా మంచి ఆదరణ ఉంటుంది. సరైనోడు హిందీ వర్షన్ యూట్యూబ్ లో సృష్టించిన సునామి అందరికి తెలిసిందే. దీనితో రాంచరణ్, బోయపాటి చిత్ర హిందీ శాటిలైట్ హక్కులకు 22 కోట్ల భారీ ఆఫర్ వచ్చినట్లు తెలుస్తోంది. మహర్షి 25 కోట్లకు అమ్ముడైతే టాప్ పొజిషన్ లో నిలిచిన చిత్రం అవుతుంది.