నాని 'ఫ్యామిలీ పార్టీ'లో ఇరగదీసిన సాయిపల్లవి.. అంతా కలిసి కుమ్మేశారంతే(వీడియో)

ఫ్యామిలీ పార్టీ సాంగ్:

ఫ్యామిలీ పార్టీ.. అంటూ సాగే ఈ పాట భూమిక-రాజీవ్ కనకాల పెళ్లి నేపథ్యంలో జరుగుతున్నట్లు ట్రైలర్ చూస్తే అర్థమవుతుంది. కుటుంబ సభ్యులు, స్నేహితులు అంతా కలిసి జోష్ లో డ్యాన్స్ చేస్తున్న ఈ ట్రైలర్ ఇప్పటికే చాలామందిని ఆకట్టుకుంది.

ఇరగదీసిన సాయిపల్లవి:

ఫిదా సినిమాలో 'వచ్చిండే.. మెల్ల మెల్లగా వచ్చిండే..' అంటూ ఇరగదీసిన సాయిపల్లవి.. తాజాగా విడుదలైన ఫ్యామిలీ పార్టీ సాంగ్ లోను తనదైన స్టెప్పులతో అలరించింది. సాయిపల్లవి స్టెప్స్ చూస్తుంటే మరోసారి డ్యాన్సులు ఇరగదీసినట్లే కనిపిస్తోంది.

కుమ్మేశారంతే

ఫ్యామిలీ పార్టీ సాంగ్‌లో పెళ్లి చూపులు ప్రియదర్శి, నరేష్, ఇలా అంతా కలిసి డ్యాన్స్ చేయడం గమనించవచ్చు. పెళ్లి తంతు మొత్తాన్ని కవర్ చేసేలా ఈ సాంగ్ చిత్రీకరించినట్లు అర్థమవుతోంది. మొత్తానికి అంతా కలిసి ఫ్యామిలీ పార్టీని ఫుల్లుగా ఎంజాయ్ చేశారన్నమాట.

10లక్షలు దాటింది..

ఎంసీఏ 'ఫ్యామిలీ పార్టీ' పాటకు నెటిజెన్స్ నుంచి మంచి స్పందన లభించింది. ట్రైలర్ విడుదల చేసిన కొద్దిసేపట్లోనే 10లక్షల వ్యూస్ సొంతం చేసుకోవడం విశేషం. నిర్మాత దిల్ రాజు, హీరో నాని సినిమా విజయంపై ధీమాగా ఉన్నారు. చూడాలి మరి.. ఎంసీఏ ఎలాంటి మ్యాజిక్ చేయబోతుందో!