Don't Miss!
- News జగన్ సంచలనం..వైఎస్ భారతికి కీలక బాధ్యతలు
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వైభవంగా సాగుతున్న కృష్ణ వ్రింద విహారి పాదయాత్ర
హ్యాండ్సమ్ హీరో నాగశౌర్య ఇప్పటి వరకూ సొంత బ్యానర్ అయిన ఐరా క్రియేషన్స్ పతాకం పై చేసిన సినిమాలన్నీ హిట్ట్ బాట పట్టాయి అన్న విషయం తెలిసిందే. ఇదే ఎనర్జీతో 'క్రిష్ణ వ్రింద విహారి'గా దూసుకువస్తున్న శౌర్య చాలా ప్రామిస్సింగ్ గా కనిపిస్తున్నాడు. వచ్చే వారమే రిలీజ్ కు రెడీ అవుతున్నాడు. ఇక ఈ నేపథ్యంలో రొటీన్ ప్రమోషన్స్ కు భిన్నంగా ప్రేక్షకులతో మమేకం అయ్యేందుకు పాదయాత్ర చేపట్టిన చిత్ర బృందానికి అభిమానులు బ్రహ్మరథం పట్టేస్తున్నారట.
ఇటీవలే విడుదలైన ట్రైలర్ కు సూపర్బ్ రెస్పాన్స్ లభించింది. ఇక ఇదే ఊపుతో రెండు రోజుల క్రితం రిలీజ్ అయిన సాంగ్ ప్రోమో కూడా అదిరిపోయిందనే చెప్పాలి. ఒకదానికి మించి మరొకటి అన్నట్లు సినిమాకు సంబంధించిన అప్ డేట్స్ అన్నీ ప్రేక్షకుల్లో అంచనాలను అంచెలంచెలుగా పెంచుకుంటూ పోతున్నాయి.
దీనికి తగ్గట్లే పాదయాత్రకు మంచి స్పందన కూడా లభిస్తోంది. ఇటీవలే తిరుపతి, నెల్లూరు, ఒంగోలులో పాదయాత్ర నిర్వహించగా అభిమానులు తండోపతండాలుగా తరలివచ్చినట్లు తెలుస్తోంది. ఈ రోజు విజయవాడ, గుంటూరు, ఏలూరులో యాత్ర కొనసాగనుంది. ఇక్కడ కూడా భారీ ఎత్తున అభిమానులు వస్తారని అంచనా. ఇక 17న భీమవరం, రాజమండ్రి, 18న కాకినాడ, విశాఖపట్నంలో పాదయాత్ర నిర్వహించనున్నారు. ఈ యాత్ర ద్వారా ప్రేక్షకులకు మరింత దగ్గరవ్వాలన్నదే చిత్ర బృందం ప్రయత్నం.
అనీష్ ఆర్ కృష్ణ దర్శకత్వంలో తెరకెక్కిన ఈ చిత్రంలో షెర్లీ సేటియా హీరోయిన్ గా నటిస్తుండగా, సీనియర్ నటి రాధిక శౌర్య తల్లిగా కీలకమైన పాత్రలో కనిపించనున్నారు. ఇక ట్రైలర్ లో శౌర్య సూపర్ ఇన్నోసెంట్ కుర్రాడిలా కనిపించబోతున్నాడు అన్న సంగతి తెలిసిందే.
సినిమాలో వెన్నల కిషోర్, రాహుల్ రామకృష్ణ, సత్య తమదైన స్టైల్ లో అలరించబోతున్నారని అర్ధమవుతోంది. మహతి స్వరసాగర్ అందించిన స్వరాలు కూడా ఆహ్లాదంగా ఉండటంతో సినిమాపై భారీ అంచనాలే నెలకొన్నాయి అని చెప్పాలి. మరి సెప్టెంబర్ 23న ప్రేక్షకుల ముందుకు రానున్న 'కృష్ణ వ్రింద విహారి' ఈ అంచనాలను అందుకుంటాడో లేదో చూద్దాం.